လက်ဘနွန်နိုင်ငံရဲ့မြို့တော် ဘေရွတ်မြို့ တောင်ပိုင်း ဆင်ခြေဖုံးနေရာတွေကို အစ္စရေးဘက်က လေကြောင်းကနေ တိုက်ခိုက်မှုတွေ လုပ်ခဲ့ပြီး ဟက်ဇ်ဘူလာ ပစ်မှတ်တွေကို တိုက်ခိုက်ခဲ့တာလို့လည်း အစ္စရေးစစ်တပ်က ပြောပါတယ်။
ပြည်တွင်းစစ်ဖြစ်နေတဲ့ အိမ်နီးချင်း မြန်မာနိုင်ငံဘက်ကနေ မူးယစ်ဆေးဝါး အမြောက်အများ ဖမ်းဆီးရမိနှုန်း ပိုများလာတယ်လို့ ထိုင်းနိုင်ငံမူးယစ်ဆေးဝါးနှိမ်နင်းရေးအဖွဲ့က ပြောလိုက်ပါတယ်။
စစ်တပ်နဲ့ ရဲတပ်ဖွဲ့ဝင်တွေ လုံခြုံရေးယူထားတဲ့ သန်းခေါင်စာရင်းကောက်ယူတဲ့အဖွဲ့တွေဟာ ကိုယ်ရေးအချက်အလက်၊ ပြည်တွင်း ပြည်ပရွေ့ပြောင်းသွားလာနေသူတွေအကြောင်း အပါအဝင် မေးခွန်းပေါင်း ၆၈ ခုပါတဲ့ စစ်တမ်းနဲ့အတူ ရန်ကုန်မှာလည်း တအိမ်တက်ဆင်း စာရင်းကောက်နေပါတယ်။
ဂျပန်နိုင်ငံတောင်ပိုင်း ကျူရှူးကျွန်းက Myazaki မြို့ လေယာဉ်ကွင်းပြေးလမ်းနားမှာ၊ ဒုတိယကမ္ဘာစစ်အတွင်းတုန်းက အသေခံ Kamikaze လေကြောင်း တိုက်ခိုက်မှုကို ဟန့်တားဖို့ အမေရိကန်က ကြဲချခဲ့တာဖြစ်ပုံရတဲ့ဗုံး ဒီနေ့ ပေါက်ကွဲတာကြောင့် လေယာဉ်ကွင်းပိတ်လိုက်ရတာပါ။
ဘတ်စ်ကားမောင်းသူ Saman Chanput ဟာ မီးလောင်ချိန်မှာ ထွက်ပြေးတိမ်းရှောင်သွားပေမဲ့ နာရီ အတော်ကြာမှာ လာရောက် အဖမ်းခံခဲ့တယ်လို့ ထိုင်းရဲက ပြောပြီး သူ့ကို ယာဉ်မဆင်မခြင်မောင်းနှင်မှုအပြင် တခြားသူတွေကို လွတ်မြောက်အောင် ကူညီဖို့ ပျက်ကွက်မှုနဲ့ တရားစွဲထားပါတယ်။
အာရက္ခတပ်တော် AA ဘက်က နယ်မြေအများအပြားကို ထိန်းချုပ်ထားတာကြောင့် ရခိုင်ပြည်နယ်မှာ စစ်ကောင်စီရဲ့ သန်းခေါင်စာရင်းကောက်ယူတဲ့ အစီအစဉ်ဟာ လက်တွေ့ဖြစ်နိုင်ပါ့မလား ဆိုတာကိုလည်း အကဲခတ်တွေ မေးခွန်းထုတ်နေကြတာပါ။
ကချင်ပြည်နယ်အရှေ့ပိုင်းက စစ်ရေးနဲ့ စီးပွားရေးအရ အရေးပါပြီး မြေရှားသတ္တုထွက်တဲ့ ချီဖွေနဲ့ ဆော့လော် ကို ၄ ရက်အတွင်း KIA ကချင်လွတ်လပ်ရေးတပ်မတော် က သိမ်းယူလိုက်ပြီဖြစ်တယ်လို့ KIA ပြန်ကြားရေးတာဝန်ခံက ပြောပါတယ်။
လည်ချောင်းကင်ဆာရောဂါကနေ အသက်ရှင်သန်ရာရဖို့ လိုအပ်ရင် တခုထဲနည်းလမ်းက အသံကြိုးတွေကို ဖယ်ထုတ်ရပါတယ်။ ဒါပေမဲ့ Croatia နိုင်ငံက လည်ချောင်းကင်ဆာ ခွဲစိတ်ထားတဲ့ အမျိုးသားတစုကတော့ သူတို့ကိုယ်ပိုင်ဂီတပုံစံနဲ့ သီဆိုဖျော်ဖြေနေကြတာပါ။ AP သတင်းတပုဒ်ကို မမြသဇင်အောင်ပြောပြပေးပါမယ်။
အမေရိကန်ပြည်ထောင်စုမှာ ဒီတနှစ်တည်းမှာကို အသက် ၁၈ နှစ်ပြည့်လို့ မဲပေးနိုင်သူ အရေအတွက် ၈ သန်းလောက်ရှိတာပါ။ ၂၀၂၄ သမ္မတရွေးကောက်ပွဲမှာ အသက် ၂၇ အောက် GenZ ခန့်မှန်းခြေ စုစုပေါင်း ၄၁ သန်းလောက် မဲပေးနိုင်ကြမှာဖြစ်ပြီး ဒီမျိုးဆက်ကလည်း ရွေးကောက်ပွဲရလဒ်ကို အတိုင်းအတာတခုထိ ပြောင်းလဲပေးနိုင်တာ ဖြစ်ပါတယ်။
မြန်မာနိုင်ငံမှာ ရာဂီတိုင်ဖုံးမုန်တိုင်းနောက်ဆက်တွဲ ရေဘေးဒဏ်ခံရသူတွေအတွက် ကုလ လူသားချင်းစာနာမှုဆိုင်ရာ ညှိနှိုင်းရေးရုံး UN OCHA က ဗဟိုအရေးပေါ် ရံပုံငွေထဲကနေ ဒေါ်လာ ၄ သန်း ချထားပေးမှာ ဖြစ်ကြောင်း ကုလအတွင်းရေးမှူးချုပ်ရုံး ပြောခွင့်ရ Stephen Dujarric က အင်္ဂါနေ့ သတင်းစာရှင်းလင်းပွဲမှာ ပြောပါတယ်။
စစ်ဒဏ်ခံနေရတဲ့ ယူကရိန်းကိုပံ့ပိုးပေးဖို့ကိစ္စဟာ ထိပ်တန်းဦးစားပေးဖြစ်ပြီး NATO အဖွဲ့ရဲ့ အင်အားအကြီးဆုံးအဖွဲ့ဝင်ဖြစ်တဲ့ အမေရိကန် နိုင်ငံမှာ ဘယ်အစိုးရပဲ တက်လာလာ လက်တွဲဆောင်ရွက်မှာဖြစ်ကြောင်း NATO အတွင်းရေးမှူးချုပ်သစ် Mark Rutte က ကတိပေးလိုက်ပါတယ်။
အောက်တိုဘာလ ၁ ရက်နေ့မှာ အီရန်က ဒေသစံတော်ချိန် အင်္ဂါနေ့ ညနေ ၇ နာရီခွဲကနေ နာရီဝက်နီးပါး အဆက်မပြတ် မစ်ဇိုင်းဒုံးကျည် ၁၈၀ လောက် ပစ်ခတ်ခဲ့ကြောင်း အစ္စရေး စစ်တပ်က ပြောပါတယ်။ ပြင်းပြင်းထန်ထန်ပစ်ခတ်ခဲ့တဲ့အတွက် အစ္စရေးနဲ့အီရန်ရဲ့ ဒေသတွင်း မဟာမိတ်တွေကြားက တနှစ်ကြာပဋိပက္ခကို ပိုကြီးမားလာစေပါတယ်။
"ကူတော်ကနေ ဘုတလင်ကို ပြန်ခေါက်တယ်ပေါ့နော်။ ပြန်ခေါက်တဲ့အချိန်မှာ ကျနော်တို့အနေနဲ့ နယ်မြေခံတော်လှန်ရေး တပ်ဖွဲ့တွေနဲ့ ပူးပေါင်းပြီးတော့ တိုက်ပွဲထိတွေ့မှုရှိခဲ့တယ်လို့ ပြောရမှာပေါ့။ ၁၂ နာရီခွဲလောက်ကနေ ထိတွေ့တိုက်ပွဲဖြစ်ခဲ့တာ ၄ နာရီဝန်းကျင်လောက်အထိကြာမြင့်ခဲ့တယ်။" (ကိုဉာဏ်- 96 Soldiers ဒုစစ်ရေးတာဝန်ခံ)
“အိမ်မှာရှိတဲ့လူကို အကုန်မေးတယ်။ အသက်အရွယ်၊ ဘာတွေလုပ်လဲ၊ နိုင်ငံခြားသွားထွက်တာရှိရင် ထွက်တဲ့အလျှောက် ဘယ်နေ့ကထွက်လဲ၊ ဘယ်နိုင်ငံလဲမေးတယ်။ ဘာတက္ကသိုလ်တက်လဲ မေးတယ်။ နောက် ခုရှိနေသူက မျက်စိကောင်းမကောင်း၊ နားကောင်းမကောင်းမေးတယ်။ အဲဒါ အဓိကထား မေးတယ်။ စစ်မှုထမ်းဖို့အတွက်ပါ ပါတယ်။" (ပြင်ဦးလွင်ဒေသခံ)
အစ္စရေး ခေါင်းဆောင်ပိုင်းက လက်ဘနွန်စစ်ပွဲ ဆက်လုပ်ဖို့ ဆုံးဖြတ်ထားတဲ့အပေါ် ဒေသတွင်း နိုင်ငံတွေကတော့ စိုးရိမ်နေကြပါတယ်။ အမေရိကန် သမ္မတ ဂျိုးဘိုင်ဒန် က အပစ်ရပ်ဖို့ တောင်းဆိုထားပေမဲ့လည်း ဒါကို ဘယ်သူက နားထောင်မလဲ ဆိုတာ Anita Powell သတင်းပေးပို့ထားပါတယ်။ ကိုငြိမ်းချမ်းက တင်ပြမှာပါ။
အစ္စရေးစစ်တပ်ကတော့ စစ်ဆင်ရေးကို နယ်မြေဒေသအလိုက် အကန့်အသတ်နဲ့ ပစ်မှတ်ထားတိုက်ခိုက်မှာဖြစ်ကြောင်း ပြောဆိုထားပြီး၊ အစ္စရေးမြောက်ပိုင်း လုံခြုံမှုရတဲ့အထိ ဆက်လက် တိုက်ခိုက်သွားမယ်လို့ ပြောပါတယ်။
မုန်တိုင်းကြောင့် ပိတ်မိနေသူတွေ ရှိရာ အကူအညီတွေ အရောက်ပို့ဆောင်တာ၊ လျှပ်စစ်မီးနဲ့ ဖုန်းလိုင်း ဆက်သွယ်ရေးတွေ ပြန်ရအောင် အရေးပေါ် လုပ်သားတွေ မနားတမ်း ဆက်လက် လုပ်ကိုင်နေကြချိန်မှာပဲ မုန်တိုင်းသင့် ဒေသတွေအတွက် အကောင်းဆုံး ကူညီ ဆောင်ရွက်ပေးနေပါတယ်လို့ သမ္မတ ဘိုင်ဒန်က ပြောကြားခဲ့တာပါ။
ဘင်္ဂလားဒေ့ရှ်ရောက် ဒုက္ခသည်တွေ၊ အကူအညီပေးနေတဲ့ ဒေသခံလူမှုအသိုက်အဝန်းနဲ့ ဒေသတွင်းအတွက် ဒေါ်လာ ၁၉၉ သန်း ပေးမှာဖြစ်ကြောင်း ပြီးခဲ့တဲ့ သီတင်းပတ်ထဲ ကုလသမဂ္ဂ အထွေထွေညီလာခံ ကျင်းပနေချိန် သီးသန့်အစည်းအဝေးမှာ ကြေညာလိုက်တာပါ။
လာမယ့် အမေရိကန်ရွေးကောက်ပွဲမှာ ဒုသမ္မတနေရာအတွက် ယှဥ်ပြိုင်ကြမယ့် ရီပတ်ဘလစ်ကန် ဒုသမ္မတလောင်း JD Vance နဲ့ ဒီမိုကရက် ဒုသမ္မတလောင်း Tim Walz တို့ ဒီကနေ့ အင်္ဂါနေ့မှာ ပထမဆုံးနဲ့ တကြိမ်တည်းသော စကား စစ်ထိုးပွဲမှာ ဆုံတွေ့ကြပါလိမ့်မယ်။
ထိုင်းနိုင်ငံမှာ ကျောင်းခရီးစဉ်တခုအတွက် ကလေးတွေနဲ့ ဆရာတွေ အပါအဝင် ခရီးသည် ၄၄ ဦးနဲ့ လိုက်ပါလာတဲ့ ဘတ်စ်ကားတစီး ဒီကနေ့ မီးလောင်ကျွမ်းမှုကြောင့် ၂၀ ကျော် သေဆုံးနိုင်တယ်လို့ တာဝန်ရှိသူတွေနဲ့ ကယ်ဆယ်ရေး သမားတွေက ခန့်မှန်းကြပါတယ်။
နောက်ထပ်ကြည့်ရှုရန်
