မဲခေါင်မြစ်ဝှမ်း ၅ နိုင်ငံခေါင်းဆောင်တွေနဲ့အတူ အာရှဖွံ့ဖြိုးရေး ဘဏ် (ADB) ဥက္ကဋ္ဌတို့ ထိပ်သီးအစည်းအဝေးတက်ဖို့ ဗိုလ်ချုပ်မှူးကြီးမင်းအောင်လှိုင်ကိုဖိတ်ထားကြောင်း တရုတ် နိုင်ငံခြားရေး ဝန်ကြီးဌာန ပြောခွင့်ရ Mao Ning က ဒီကနေ့ ပေကျင်းမြို့တော်သတင်းစာရှင်းလင်းပွဲမှာ ပြောပါတယ်။
ရွေးကောက်ပွဲမတိုင်ခင် ၁ ရက်အလိုမှာ ဒီမိုကရက်တစ်ပါတီက Harris က ရွေးကောက်ပွဲအတွက် အရေးကြီးမယ်လို့ ခန့်မှန်းထားတဲ့ Pennsylvania ပြည်နယ်မှာ ဒီနေ့ စည်းရုံးရေးဆင်းမှာပါ။ ရီပတ်ဘလစ်ကန်ပါတီက Trump ကတော့ မြောက် Carolina, Pennsylvania နဲ့ Michigan ပြည်နယ် ၃ ခုက ၄ နေရာကို စည်းရုံးရေးထွက်မှာ ဖြစ်ပါတယ်။
မြန်မာနိုင်ငံဘက်က မြေရှားသတ္တုတူးဖေါ်ခွင့်ပိတ်ပင်ထားပြီး နောက်ထပ် ကုန်ကြမ်းတွေ မတင်ပို့နိုင်တဲ့အတွက် ကမ္ဘာ့မြေရှားသတ္တု ဈေးတက်သွားနိုင်တဲ့အကြောင်း လုပ်ငန်းရှင်တွေ ခန့်မှန်းထားတာကို Global Times သတင်းစာမှာ ရေးပါတယ်။
အစ္စရေးနိုင်ငံမှာ ရှေ့နှစ်ဆန်း ဥပဒေသစ် စတင်ကျင့်သုံးတဲ့အခါ ပါလက်စတိုင်း ဒုက္ခသည်ရေးရာ ကုလသမဂ္ဂ အေဂျင်စီ (UNRWA) နဲ့ ပူးပေါင်းဆောင်ရွက်မှုတွေ ရပ်ဆိုင်းမှာဖြစ်ကြောင်း အစ္စရေးနိုင်ငံခြားရေးဝန်ကြီးဌာနက ကုလသမဂ္ဂကို ဒီကနေ့ပဲ တရားဝင် အကြောင်းကြားလိုက်ပါတယ်။
စစ်အာဏာသိမ်းခေါင်းဆောင် ဗိုလ်ချုပ်မှူးကြီးမင်းအောင်လှိုင် ရဲ့ ပထမဆုံးတရုတ်ပြည်ခရီးစဉ်အတွင်း တရုတ်အစိုးရအဖွဲ့ တာဝန်ရှိသူတွေနဲ့တွေ့ဆုံဆွေးနွေးမှာဖြစ်သလို တရုတ်နိုင်ငံမှာ ကျင်းပပြုလုပ်မယ့် မဲခေါင်ထိပ်သီးအစည်းအဝေးတွေကိုလည်း တက်ရောက်မယ်လို့ စစ်ကောင်စီဘက်က ဒီကနေ့ ရက်စွဲနဲ့ တရားဝင်သတင်းထုတ်ပြန်လိုက်ပါတယ်။
အစ္စရေးရေတပ်က လယ်ဘနွန်မြောက်ပိုင်းမှာ ဟက်ဇ်ဘိုလာ (Hezbollah) အကြီးတန်း စစ်ရေးတာဝန်ရှိသူ တဦးကို ဖမ်းမိခဲ့တယ်လို့ အစ္စရေး စစ်တပ်က စနေနေ့မှာ ပြောပါတယ်။
စစ်ပွဲတွေ ဖြစ်ပွားနေတာဟာ သတင်းသမားတွေကို သတ်ဖြတ်သူတွေ တာဝန်ခံ တာဝန်ယူမှုှရှိအောင် လုပ်ဖို့ ခက်ခဲစေ ကြောင်းနဲ့ အထူးသဖြင့် မြန်မာ၊ ယူကရိန်းနဲ့ အစ္စရေး မှာ ဖြစ်ပွားနေတဲ့ စစ်ပွဲတွေက သတင်းထောက်တွေကို အကြီးအကျယ် ထိခိုက်မှု ရှိစေတယ်လို့ ကျွမ်းကျင်သူတွေက ပြောပါတယ်။
ပြီးခဲ့တဲ့ သီတင်းပတ်က အစ္စရေးရဲ့ တိုက်ခိုက်မှုကို လက်တုံ့ပြန်မယ်လို့ အီရန်ခေါင်းဆောင်ကြီးက ကတိပြုထားချိန်မှာပဲ စနေနေ့က အစ္စရေး အလယ်ပိုင်းဒေသ အတိုက်ခိုက်ခံခဲ့ရပြီး Tira မြို့ကလေးမှာတော့ ၁၁ ဦး ဒဏ်ရာရခဲ့ပါတယ်။
မြောက်ကိုရီးယား တပ်သားတွေကို ဘယ်မှာ လေ့ကျင့်ပေးနေတယ်ဆိုတာကို ယူကရိန်းက သိထားတာဖြစ်ပြီး သူတို့ကို ယူကရိန်းက ဝင်တိုက်နိုင်ပေမယ့် ရုရှားပိုင်နက်အတွင်းပိုင်းက ပစ်မှတ်တွေအတွက် မဟာမိတ်တွေက ယူကရိန်းကို သူတို့ရဲ့ တာဝေးပစ်လက်နက်တွေသုံးခွင့် ပေးမထားတာကြောင့် ယူကရိန်းက မတိုက်ခိုက်နိုင်ကြောင်းလည်း ပြောပါတယ်။
ရုရှားကို တပ်သား ၈,၀၀၀ လောက်စေလွှတ်ထားတဲ့ မြောက်ကိုရီးယားက သူတို့ဟာ ယူကရိန်းစစ်ပွဲအောင်နိုင်ချိန်အထိ ရုရှားကို အထောက်အကူပေးမှာဖြစ်ကြောင်း မော်စကိုကိုရောက်နေတဲ့ မြောက်ကိုရီးယားနိုင်ငံခြားရေးဝန်ကြီး Choe Son Hui က ပြောပါတယ်။ နှစ်နိုင်ငံ ဆက်ဆံရေး ပုံစံသစ် ဖြစ်လာတာအတွက် ချီးကျူးပြောဆိုခဲ့ကြတာပါ။
ရွေးကောက်ပွဲကျင်းပဖို့ နီးလာချိန်မှာပဲ သမ္မတလောင်းတွေဖြစ်တဲ့ ဒုသမ္မတ Kamala Harris နဲ့ သမ္မတဟောင်း ဒေါ်နယ်ထရမ့်တို့ဟာ သောကြာနေ့မှာ အရေးပါတဲ့ မွတ်စလင်အမေရိကန် မဲတွေရဖို့ အပြိုင် မဲဆွယ်နေကြပါတယ်။ အထူးသဖြင့် မီရှီဂန်ပြည်နယ်က အာရပ်နဲ့ မွတ်စလင်အမေရိကန်တွေရဲ့ ထောက်ခံမှုရဖို့ ကြိုးစားခဲ့တာပါ။
စပိန်နိုင်ငံ အရှေ့ပိုင်းဒေသ Valencia ဗလန်းစီယာ တောင်ပိုင်းမြို့ရွာ အများအပြားမှာ လွန်ခဲ့တဲ့ ၃ ရက်က မကြုံစဖူး ရုတ်တရက် ရေလွှမ်းသွားတဲ့အတွက် သောကြာနေ့အထိဆိုရင် သေဆုံးသူ အနည်းဆုံး ၂၀၅ ယောက်နဲ့ ပျောက်ဆုံးသူ အများအပြား ရှိနေပါတယ်။
အာတိတ်ဒေသမှာ ရုရှားနဲ့ တရုတ်တို့ရဲ့ ပူးပေါင်းဆောင်ရွက်မှုတွေ တိုးလာတာကို အမေရိကန်က စောင့်ကြည့်နေတာဖြစ်ပြီး ဒီ ၂ နိုင်ငံရဲ့ လတ်တလော ဒေသတွင်း စစ်ရေးပူးပေါင်းလှုပ်ရှားမှုတွေမှာ စိုးရိမ်ရတဲ့ လက္ခဏာတွေ တွေ့လာရတယ်လို့ အာတိတ်ဒေသဆိုင်ရာ အမေရိကန် သံမှူး Michael Sfraga က ပြောပါတယ်။
တရုတ်နိုင်ငံ ယူနန်အစိုးရက မြန်မာနဲ့ထိစပ်နေတဲ့ နယ်စပ်ဂိတ်တွေကို ပိတ်လိုက်ပြီးနောက်ပိုင်း ကချင်နဲ့ ရှမ်းပြည်နယ် မြောက်ပိုင်းက နယ်စပ်မြို့တွေမှာ လူသုံးကုန်နဲ့ စားသောက်ကုန်တွေ ရှားပါး၊ ပြတ်လပ်နေကြောင်း ဒေသခံတချို့ကပြောပါတယ်။ တရုတ်ဘက်က စားသောက်ကုန်ကို တနိုင်တပိုင် သယ်ခွင့်ပေးထားကြောင်း ဒေသခံကပြောပါတယ်။
နိုဝင်ဘာ ၅ ရက် သမ္မတရွေးကောက်ပွဲအတွက် အမေရိကန်ပြည်နယ်တော်တော်များများ ကြိုတင်မဲတွေ ပေးနေကြတဲ့အချိန်မှာပဲ ကြိုတင်မဲပုံးတချို့ ဖျက်ဆီးခံနေပါတယ်။ အရှေ့ပိုင်း ပြည်နယ်တချို့မှာ ရေဘေးဒဏ်ကြောင့် မဲဆန္ဒရှင်တွေ မဲပေးဖို့ အခက်အခဲနေချိန်မှာ ကြိုတင်မဲပုံးတွေ ဖျက်ဆီးခံနေရတာဖြစ်ပါတယ်။
ပူးတွဲစစ်ရေးလေ့ကျင့်မှုတွေလုပ်ရေး၊ ကာကွယ်ရေးနဲ့ပတ်သက်တဲ့ သတင်းအချက်အလက်တွေ အပြန်အလှန် ဖလှယ်ရေးနဲ့၊ အာကာသလုံခြုံရေးဆိုင်ရာ အပါအဝင် ပူးပေါင်းဆောင်ရွက်ရေးတွေကို EU နိုင်ငံခြားမူဝါဒရေးရာ အကြီးအကဲ Josep Borrell နဲ့ ဂျပန်နိုင်ငံခြားဝန်ကြီး Takeshi Iwaya တို့ Tokyo မြို့တော်မှာ လက်မှတ်ထိုး သဘောတူခဲ့ကြပါတယ်
မြန်မာနိုင်ငံအတွင်း အရပ်သားတွေအပေါ် ရက်စက်တဲ့ အကြမ်းဖက် လုပ်ရပ်တွေ ဆိုးဆိုးဝါးဝါး တိုးလာနေပြီး ကျုးလွန်သူတွေထဲမှာ စစ်တပ်အပြင် စစ်တပ်ကို ဆန့်ကျင်နေတဲ့ အဖွဲ့အစည်းတွေ ပါဝင်နေတယ်လို့ ကုလသမဂ္ဂရဲ့ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှု ယန္တရား IIMM အကြီးအကဲက ပြောကြားလိုက်ပါတယ်။
ကြာသပတေးနေ့က Metula မြို့ဘက်ကို ပစ်ခတ်လိုက်တဲ့ Rocket ဒုံးကျည်ကြောင့် ထိုင်း ၄ ယောက်သေဆုံးပြီး ၁ ယောက် ဒဏ်ရာရခဲ့တဲ့အပေါ် အင်မတန်ဝမ်းနည်းတယ်လို့ နိုင်ငံခြားရေးဝန်ကြီး Maris Sangiampongsa က X လူမှုကွန်ရက်မှာ ဒီနေ့ ရေးသားခဲ့ပါတယ်။
အမေရိကန် သမ္မတရွေးကောက်ပွဲကျင်းပနေတဲ့ အချိန်ဟာ မဲဆန္ဒရှင်ဖြစ်တဲ့ အမေရိကန် လယ်သမားတွေ စီးပွားရေးအခက်အခဲတွေ ကြုံနေရတဲ့ အချိန် ဖြစ်ပြီး အစိုးရရဲ့ မူဝါဒတွေနဲ့ ဆက်နွယ်ပြီး သူတို့ အခေါ် လေဆန်ကို ဆန်တက်နေရတဲ့ ကာလ ဖြစ်နေပါတယ်။
စစ်ကောင်စီနဲ့ အာရက္ခတပ်တော် AA အကြား တိုက်ပွဲပြင်းထန်နေဆဲ ရခိုင်ပြည်နယ်မှာ စစ်ကောင်စီရဲ့ လေကြောင်းပစ်ခတ်မှုတွေကြောင့် အရပ်သားထိခိုက်သေဆုံးမှုတွေ ပိုတိုးလာနေပါတယ်။ အထူးသဖြင့် စစ်တပ်ရဲ့ လေကြောင်းတိုက်ခိုက်မှုတွေကြောင့် ထိခိုက် သေဆုံးမှုတွေ များလာနေတာပါ။
နောက်ထပ်ကြည့်ရှုရန်
