အိန္ဒိယနိုင်ငံမှာ ပြီးခဲ့တဲ့သီတင်းပတ်ထဲ စံချိန်တင် ဖမ်းဆီးမိခဲ့တဲ့ မြန်မာနိုင်ငံဘက်က စိတ်ကြွဆေးတွေ သယ်ဆောင်သူတွေဟာ ရေလမ်းကြောင်းအတွက် Star Link ဂြိုဟ်တုဆက်သွယ်ရေးစနစ်ကို သုံးခဲ့တာကြောင့် အသေးစိတ်အချက်အလက်တွေ သိရဖို့ အိန္ဒိယအာဏာပိုင်တွေ ကြိုးပမ်းနေပါတယ်။
ပြည်တွင်းစစ်ဖြစ်ပွားနေတဲ့ ဆီးရီးယားမှာ သမ္မတကိုဆန့်ကျင်တဲ့ သူပုန်တွေက အကြီးဆုံးမြို့ဖြစ်တဲ့ အလက်ပိုနဲ့ အနီးဝန်းကျင်ကို သိမ်းပိုက်လိုက်ပါတယ်။ နိုင်ငံတကာလေဆိပ်ကိုလည်း သိမ်းလိုက်ပြီး ရုရှားနဲ့ ဆီးရီးယားတပ်တွေ လေကြောင်းစစ်ဆင်ရေးလုပ်ဆောင်နေလို့ သူပုန်တွေကြားမှာလည်း ထိခိုက်သေဆုံးမှုတွေ များပြားနေပါတယ်။
တောင်ကိုရီးယားနိုင်ငံမှာ သမ္မတ Yoon Suk Yeol က မြောက်ကိုရီးယားလိုလားတဲ့ အတိုက်အခံတွေက လွှတ်တော်ကိုထိန်းချုပ်ထားပြီး နိုင်ငံတော်ကိုဆန့်ကျင်နှောင့်ယှက်တဲ့ လုပ်ရပ်တွေလုပ်နေတဲ့အတွက် ဆိုပြီး ဒီကနေ့ အင်္ဂါနေ့မှာဘဲ တိုင်းပြည်ကိုအရေးပေါ် စစ်အုပ်ချုပ်ရေးကြေညာလိုက်ပါတယ်။
တချိန်က အလွန်အောင်မြင်ခဲ့တဲ့ အမေရိကန်သံမဏိလုပ်ငန်းကို နိုင်ငံခြားကုမ္ပဏီတခုကဝယ်ယူတာ ဆန့်ကျင်တယ်လို့ ထရမ့်က သူ့ကိုယ်ပိုင် Truth လူမှုကွန်ယက်မှာ မနေ့ကရေးခဲ့ပြီး အထူးခံစားခွင့်တွေ၊ သွင်းကုန်ခွန်တိုးမြှင့်ကောက်မယ့်အစီအစဉ်တွေနဲ့ US Steel လုပ်ငန်းတွေ ပြန်အားကောင်းလာအောင် လုပ်မယ်လို့လည်း ပြောပါတယ်။
NATO အဖွဲ့ဝင်နိုင်ငံတွေရဲ့ နိုင်ငံခြားရေးဝန်ကြီးအစည်းအဝေးကို ဘယ်လ်ဂျီယံနိုင်ငံ ဘရပ်ဆဲလ် မြို့တော်မှာ ဒီကနေ့ အင်္ဂါနေ့မှာစတင်လိုက်ပြီး ရုရှားရဲ့ကျူးကျော်မှုကို ယူကရိန်းနေနဲ့ ကိုယ့်ဘာသာကိုယ် ဆက်လက်ခုခံသွားနိုင်အောင်ကူညီရေး ဦးစားပေးဆွေးနွေးဖို့ရှိနေပါတယ်။
ထိုင်းနိုင်ငံတောင်ပိုင်းနဲ့ မလေးရှားနိုင်ငံမှာ မိုးအကြီးအကျယ်ရွာသွန်းတာကြောင့် လူပေါင်း ၃၀ ကျော် သေဆုံးပြီး သောင်းနဲ့ချီ ဘေးလွတ်ရာ ရွှေ့ပေးခဲ့ရကြောင်း ထိုင်းအာဏာပိုင်တွေက ဒီကနေ့ ပြောပါတယ်။ နောက်ထပ်လည်း မိုးကြီးရွာသွန်းနိုင်တာကြောင့် ၂ နိုင်ငံလုံးကမှာ ခိုလှုံရာနဲ့ ကယ်ဆယ်ရေး ပြင်ဆင်နေကြပါတယ်။
အမေရိကန်သမ္မတ Joe Biden က သားဖြစ်သူ Hunter Biden ကို လွတ်ငြိမ်းခွင့်ပြုလိုက်ပြီး နောက် တရက်မှာပဲ သမ္မတတာဝန်သက်တမ်း မကုန်မီ နောက်ထပ်လွတ်ငြိမ်းခွင့်နဲ့ သက်ညှာခွင့်တွေ ကြေညာဖို့ရှိကြောင်း အိမ်ဖြူတော်က ပြောလိုက်ပါတယ်။
ရခိုင်ပြည်နယ်တောင်ပိုင်း တောင်ကုတ်မြို့နယ်၊ ခရိုင်ရွာကို ဒီဇင်ဘာ ၁ ရက်မှာ စစ်ကောင်စီဘက်က ဗုံးကြဲခဲ့လို့ အရပ်သား ၃ ဦး ထက်မနည်း သေဆုံးပြီး ၂၀ ကျော် ဒဏ်ရာရခဲ့ကြောင်း ဒေသခံတွေက ပြောပါတယ်။ တောင်ကုတ်အပါအဝင် ရခိုင်ပြည်နယ်မှာ စစ်ကောင်စီနဲ့ AA ကြား တိုက်ပွဲပြင်းထန်နေတာနဲ့အမျှ သေဆုံးမှုတွေလည်း တိုးလာနေတာပါ။
ရှမ်းပြည်တောင်ပိုင်း ဖယ်ခုံမြို့နယ် ဆိုင်ခွန်ကျေးရွာပေါ် စစ်ကောင်စီ ၅ကြိမ် ဗုံးလာကြဲသွားလို့ အရပ်သား ၁ဦး သေဆုံးပြီး အနည်းဆုံး ၄ဦး ထိခိုက်ဒဏ်ရာရသွားတယ်လို့ ကရင်နီအမျိုးသားများကာကွယ်ရေးတပ်(KNDF)ဗဟိုပြန်ကြားရေးတာဝန်ရှိသူက ဗွီအိုအေကိုအတည်ပြုပါတယ်။
စစ်ကောင်စီနဲ့ အာရက္ခတပ်တော် AA ကြား တိုက်ပွဲတွေပြင်းထန်နေတဲ့ ရခိုင်ပြည်နယ်ထဲက ဒေသခံတွေရဲ့ နေ့စဉ်ဘဝတွေ ခက်ခဲကြပ်တည်းလာနေပြီး အလုပ်အကိုင်ရှားပါးမှု စားနပ်ရိက္ခာပြတ်လပ်မှု ဆေးဝါးမလုံလောက်မှု စတဲ့ စိန်ခေါ်မှုတွေနဲ့ရင်ဆိုင်နေကြရတယ်လို့ ဒေသတွင်းနေထိုင်သူတွေကပြောပါတယ်။
အမေရိကန် ရွေးကောက်ခံသမ္မတ Donald Trump ဒုတိယ သက်တမ်းမှာ အိန္ဒိယနိုင်ငံ နဲ့ မဟာဗျူဟာ ဆက်ဆံရေး ပိုနက်ရှိုင်းလာမယ်လို့ အိန္ဒိယနိုင်ငံဘက်က မျှော်လင့်နေပါတယ်။ ဒါပေမဲ့လည်း အကြီးဆုံးကုန်သွယ်ဘက် နိုင်ငံဖြစ်တဲ့ အမေရိကန် နဲ့ ပတ်သက်ပြီး ဖိအားတွေတိုးလာမှာကိုလည်း ပြင်ဆင်နေပါတယ်။
"တချို့သိထားကြတဲ့အတိုင်း ကျွန်တော့်မှာ မျက်စေ့ပြဿနာရှိပါတယ်။ အခုဆို မျက်စေ့က မမြင်ရတော့ပါဘူး။ သရုပ်ဆောင်တာ မတွေ့ရပေမဲ့ ဒီပြဇာတ်ကို ကြိုက်ပါတယ်" လို့ ပြောကြောင်း ဒေးလီးမေးလ်သတင်းစာက ဖော်ပြပါတယ်။
အမေရိကန် သမ္မတကတော် ဂျေးလ်ဘိုင်ဒန်က “Season of Peace and Light” "ငြိမ်းချမ်းရေးနဲ့ အလင်းရောင် ရာသီ" ဆိုတဲ့ခေါင်းစဉ်နဲ့ ၂၀၂၄ ခုနှစ်အတွက် အိမ်ဖြူတော် ခရစ္စမတ်အလှဆင်ယင်ထားတာတွေကို ဒီဇင်ဘာ ၂ ရက်နေ့မှာပဲ စတင်ဖွင့်လှစ် ပြသလိုက်ပါတယ်။
လက်ဘနွန်တောင်ပိုင်းမှာ အစ္စရေးလေကြောင်းတိုက်ခိုက်မှုကြောင့် တဦးသေဆုံးတယ်လို့ လက်ဘနွန်ကျန်းမာရေးဌာနက တနင်္လာနေ့က ထုတ်ပြန်သလို၊ လက်ဘနွန်အရှေ့ခြမ်းမှာလည်း တိုက်ခိုက်မှုကြောင့် စစ်သားတဦး ထိခိုက်ဒဏ်ရာရတယ်လို့ လက်ဘနွန် စစ်တပ်က ပြောပါတယ်။
ဂျော်ဂျီယာနိုင်ငံအနေနဲ့ အီးယူ ဥရောပသမဂ္ဂအဖွဲ့ဝင်ဖြစ်ရေး ဆွေးနွေးမယ့် အစီအစဉ်တွေကို အစိုးရက ပြန်လည်ရုပ်သိမ်းလိုက်တဲ့နောက်၊ အစိုးရရဲ့ ဒီဆုံးဖြတ်ချက်ကို ကန့်ကွက်တဲ့ လမ်းပေါ် ဆန္ဒပြမှုတွေ ရက်ဆက်ဖြစ်လာခဲ့တာပါ။
ထိုင်းငါးဖမ်းစက်လှေပေါ်ဖမ်းမိသူထားသူတွေမှာ အကြမ်းဖက်အဖွဲ့တွေနဲ့ ဆက်နွယ်မှုတွေ့ရတဲ့အတွက် စုံစမ်းစစ်ဆေးနေဆဲရှိပြီး၊ ဖမ်းဆီးထားတဲ့ မြန်မာရော ထိုင်းနိုင်ငံသားအားလုံး ကောင်းကောင်းမွန်မွန်ရှိနေတယ်လို့ မြန်မာစစ်ကောင်စီက သတင်းထုတ်ပြန်ပါတယ်။
မကွေးတိုင်း ရေစကြိုမြို့နယ်မှာ စစ်ကောင်စီ နယ်မြေရှင်းလင်းရေးအတွင်း ကာကွယ်ရေး တပ်ဖွဲ့တွေနဲ့ တိုက်ပွဲတွေဖြစ်ပြီး အရပ်သား နေအိမ်တချို့ မီးရှို့ခံရပါတယ်။ ပွင့်ဖြူမြို့နဲ့ စေတုတ္တရာမြို့နယ်မှာလည်း အရပ်သား ၁ ဦး သတ်ဖြတ်ခံခဲ့ရပြီး နေအိမ် ၂၀၀ ကျော် မီးရှို့ဖျက်စီးခံခဲ့ရပါတယ်။
ရန်ကုန်၊ အင်းစိန်ထောင်မှာ အကျဉ်းကျခံနေရတဲ့ နိုင်ငံရေးအကျဉ်းသားတွေအပါအဝင် အကျဉ်းသားငါးရာခန့်ကို နိုဝင်ဘာ ၃၀ ရက် မနက်အစောပိုင်းက ပဲခူးတိုင်း၊ သာယာဝတီထောင်ကို ပြောင်းရွှေ့လိုက်တယ်လို့ မြန်မာနိုင်ငံ လုံးဆိုင်ရာ နိုင်ငံရေး အကျဉ်းသားများကွန်ရက် (PPNM) ကပြောပါတယ်။
ဒီ တခေါက် ဇာတ်လမ်းတွဲမှာက လက်စားချေတာတွေ၊ ပထမတခေါက်ထက် ပိုစိတ်ဝင်စားစရာ စိန်ခေါ်မှုတွေပါလာမယ်လို့ ဒီဇာတ်လမ်းတွဲဖန်တီးတင်ဆက်သူ Hwang Dong-hyuk က ပြောပါတယ်။
ခရစ်တိုငွေကြေးမှာ ရင်းနှီးမြှုပ်နှံသူတွေ အနေနဲ့ ဒေါ်နယ်ထရမ့် သမ္မတ ဖြစ်လာမယ့်အပေါ် မျှော်လင့်ချက်ကြီးတွေ နဲ့ စောင့်မျှော်နေကြပါတယ်။ ထရမ့်ဟာ ဒီဂျစ်တယ်ငွေကြးတွေ ဘက်ကနေ ကာကွယ်ပေးမယ့် သူအနေနဲ့ မဲဆွယ်ခဲ့တာပါ။ Scott Stearns သတင်းပေးပို့ထားတာကို ကိုငြိမ်းချမ်းက တင်ပြမှာပါ။
နောက်ထပ်ကြည့်ရှုရန်
