မောင်တောမြို့နယ် အပါအဝင် ဘင်္ဂလားဒေ့ရှ်နယ်စပ်တလျှောက်ကို အာရက္ခတပ်တော် (AA) က သိမ်းပိုက်ကြောင်း ကြေညာပြီးနောက်ပိုင်းမှာ ဘင်္ဂလားဒေ့ရှ်ဘက်က မြန်မာနယ်စပ်မှာ လုံခြုံရေး တိုးမြှင့်ထားကြောင်း အာဏာပိုင်တွေကို ကိုးကားပြီး ဒေသတွင်း သတင်းတွေမှာ ဖော်ပြကြပါတယ်။
မြန်မာနိုင်ငံက ပဋိပက္ခတွေမှာ ပါဝင်သူအားလုံး အကြမ်းဖက်မှုတွေ ရန်တန့်ဖို့နဲ့ နိုင်ငံတကာဥပဒေ ပြဌာန်းချက် အတိုင်း အရပ်သားတွေကို အကာအကွယ်ပေးဖို့ တာဝန်ရှိကြောင်း ကုလသမဂ္ဂ အတွင်းရေးမှူးချုပ် အန်တိုနီရို ဂူတာရက်စ်က ထပ်မံ တောင်းဆိုလိုက်ပါတယ်။
အမေရိကန် နိုင်ငံခြားရေးဝန်ကြီး Antony Blinken ဟာ ကြိုတင် အသိပေး ကြေညာတာမျိုးမရှိဘဲ အီရတ်နိုင်ငံကို ရောက်ရှိနေပါတယ်။ ရုတ်တရက် ရောက်လာတဲ့ သောကြာနေ့မှာပဲ အီရတ်ဝန်ကြီးချုပ် Mohammed Shia al-Sudani နဲ့ တွေ့ဆုံပြီး ဆီးရီးယား နိုင်ငံရေး အသွင်ကူးပြောင်းမှုကိစ္စ ဆွေးနွေးခဲ့ပါတယ်။
ချင်းပြည်နယ် ဖလမ်းနဲ့ မင်းတပ်မြို့တွေမှာ စစ်ကောင်စီတပ်နဲ့ ချင်းညီနောင်အဖွဲ့တို့ကြား ဒီရက်ပိုင်း တိုက်ပွဲတွေ ပြင်းထန်နေပြီး စစ်ကောင်စီတပ်က လက်နက်ခဲယမ်း ရိက္ခာတွေကို လေယာဉ်နဲ့ ဖြည့်တင်းနေတယ်လို့ ချင်းညီနောင်အဖွဲ့နဲ့ စစ်ဘေးရှောင်တွေကို ကူညီပေးနေသူတွေက ပြောပါတယ်။
မကွေးတိုင်း ကမ္မမြို့အနီးက ရေလာလေး ပျူစောထီးကျေးရွာကို ကာကွယ်ရေးတပ်ဖွဲ့တွေက ဝင်ရောက် တိုက်ခိုက်ခဲ့ပြီးတဲ့နောက် အနီးအနားကျေးရွာက နေအိမ်တွေကို စစ်တပ်က မီးရှို့ဖျက်ဆီးနေတယ်လို့ ဒေသခံတွေက ပြောပါတယ်။
အိန္ဒိယနိုင်ငံက ဆယ်ကျော်သက် Gukesh Dommaraju ဟာ အသက်အငယ်ဆုံး ကမ္ဘာ့စစ်တုရင် ချန်ပီယံ ဖြစ်သွားပါပြီ။ ၁၈ နှစ်အရွယ် Gukesh Dommaraju ဟာ သူ့ထက် ၁၄ နှစ်ကြီးတဲ့ တရုတ် နိုင်ငံက အသက် ၃၂ နှစ်အရွယ် လက်ရှိ ကမ္ဘာ့စစ်တုရင် ချန်ပီယံ Ding Liren ကို ၁၄ ပွဲကစားပြီး ကမ္ဘာ့စစ်တုရင် ချန်ပီယံဘွဲ့ကို ဆွတ်ခူးသွားတာပါ။
မြန်မာနိုင်ငံမှာ လာမယ့် ၂၀၂၅ ခုနှစ်ကူးချိန်မှာ လူသားချင်းစာနာ အကူအညီလိုအပ်သူ သန်း ၂၀ လောက် ရှိနိုင်ပြီး အဲဒီထဲက ၅ သန်းခွဲလောက် အသက်ရှင်နေထိုင်နိုင်ရေးအတွက် အရေးပေါ် အကူအညီ အမေရိကန်ဒေါ်လာ ၁ ဒသမ ၁ ဘီလီယံပေးဖို့လည်း ကုလသမဂ္ဂ လူသားချင်းစာနာမှုဆိုင်ရာရုံး UNOCHA ရုံးက အစီရင်ခံစာထုတ်ပြန်တောင်းဆိုပါတယ်။
ဆီးရီးယားမှာ Bashar-al Assad အစိုးရ ပြုတ်ကျသွားပြီးနောက် IS စစ်သွေးကြွတွေ ပြန်လည် ပေါ်ထွက်မလာနိုင်အောင် ဆက်လက် ကြိုးစားနှိမ်နင်းရေးကို ဆီးရီးယားအိမ်နီးချင်း တူရကီနဲ့ အမေရိကန်တို့ ဆွေးနွေးခဲ့ကြပါတယ်၊
ဧရာဝတီတိုင်း၊ ပုသိမ်ခရိုင်မှာရှိတဲ့ ချောင်းသာ၊ ရွှေသောင်ယံနဲ့ သပွတ်ကန်ကမ်းခြေတွေမှာ ရခိုင် ငါးဖမ်းသမားတွေကို စစ်ကောင်စီက ငါးဖမ်းခွင့် ပိတ်ထားပါတယ်။ ဒေသခံတွေကို ငါးဖမ်းခွင့်ပေးပေမဲ့ ရခိုင်ဘက်က စစ်ပြေးဒုက္ခသည်တွေကိုတော့ ငါးဖမ်းခွင့် မပေးဘူးလို့ ရခိုင်ငါးဖမ်းသမားတွေက ပြောပါတယ်။
ကိုရီးယားနိုင်ငံမှာ ဒီမိုကရေစီစနစ်ကို ကာကွယ်ဖို့အတွက် ဆန့်ကျင်၊ လှုပ်ရှားနေကြတဲ့ ကိုရီးယားနိုင်ငံသားတွေကို လေးစားကြောင်းနဲ့ သူတို့နဲ့ တသားတည်း ရပ်တည်ကြောင်း ကိုရီးယားရောက် မြန်မာတွေက သဘောထား ထုတ်ပြန်လိုက်ပါတယ်။
ထိုင်းနိုင်ငံမှာ အရပ်ဘက်ပရဟိတအဖွဲ့အစည်းတွေ မှတ်ပုံတင်ခွင့်ဆိုင်ရာဥပဒေကြမ်းကြောင့် ထိုင်းနိုင်ငံမှာ အခြေစိုက်တဲ့ မြန်မာသတင်းသမားတွေ၊ မြန်မာ့အရေးဆောင်ရွက်နေတဲ့ အဖွဲ့အစည်းတွေ လုပ်ငန်းဆက်လက်လည်ပတ်ရေး အခက်တွေ့နိုင်တယ်လို့ ဥပဒေပညာရှင်တွေနဲ့ သုံးသပ်သူတွေ ပြောဆိုနေပါတယ်။
စစ်ကိုင်းတိုင်း ဆားလင်းကြီးမြို့နယ်ထဲက တရုတ်ရဲ့ ဝမ်ပေါင်ကြေးနီစီမံကိန်းကို လုံခြုံရေးယူတဲ့ စစ်ကောင်စီလုံခြုံရေးအဖွဲ့နဲ့ ပြည်သူ့ကာကွယ်ရေးအဖွဲ့တွေကြား ဒီနေ့မနက်ပိုင်းက အပြန်အလှန် ပစ်ခတ်မှုတွေဖြစ်ခဲ့တယ်လို့ ဒေသခံတွေက ပြောပါတယ်။
၂၀၂၄ ခုနှစ်အတွင်း အခုအချိန်အထိ ကမ္ဘာတဝှမ်းမှာ သတင်းထောက် ၆၈ ယောက် တာဝန်ထမ်းဆောင်ရင်း အသတ်ခံရတဲ့အကြောင်းနဲ့ မြန်မာနိုင်ငံမှာ ၃ ယောက် သေဆုံးတဲ့အကြောင်း ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့ UNESCO က အစီရင်ခံစာသစ် ဒီဇင်ဘာလ ၁၂က ထုတ်ပြန်ပါတယ်။
မကြာမီရက်ပိုင်းအတွင်းမှာ စစ်ကောင်စီနဲ့ MNDAA ကိုးကန့်ကိုယ်စားလှယ်အဖွဲ့တွေ တရုတ်နိုင်ငံ ယူနန်ပြည်နယ် ကူမင်းမြို့မှာ တွေ့ဆုံဖို့ရှိနေပါတယ် ဒီဒီဇင်ဘာလအတွင်းထဲမှာတော့ တရုတ်မြန်မာနယ်စပ်အခြေစိုက် တိုင်းရင်းသားလက်နက်ကိုင်အဖွဲ့တွေကို တရုတ်နိုင်ငံက တဖွဲ့ချင်းအလိုက်ခေါ်ယူတွေ့ဆုံနေပါတယ်။
စစ်တပ်က ဖမ်းထားတဲ့ ထိုင်း ငါးဖမ်းသမား ၄ ယောက် ပြန်လွတ်ရေး လာမယ့် ဒီဇင်ဘာ ၁၉ ရက်နေ့ ထိုင်းနဲ့ မြန်မာ နှစ်နိုင်ငံ နိုင်ငံခြားရေးဝန်ကြီးတွေ ဘန်ကောက်မြို့မှာ တွေ့ဆုံတဲ့အခါ ဆွေးနွေးဖို့ရှိပြီး နှစ်သစ်ကူး အစောပိုင်းမှာ လွတ်လာနိုင်ကြောင်း ထိုင်း ဝန်ကြီးချုပ် Paetongtarn Shinawatra အရိပ်အမြွက် ပြောပါတယ်။
ကရင်အမျိုးသားအစည်းအရုံး ဖာပွန်ခရိုင် (မူတြော်ခရိုင်) တပ်မဟာ(၅)နယ်မြေ၊ ဒွယ်လိုးမြို့နယ်မှာရှိတဲ့ တောင်သုံးလုံးစခန်း နဲ့ ဆင်စွယ်စခန်း ၂ခုကို ဒီဇင်ဘာလ ၁၁ရက်နေ့က အပြီးတိုင်တိုက်ခိုက်သိမ်းပိုက်ခဲ့ပါတယ်။
အမေရိကန် သမ္မတ ဘိုင်ဒန် က လူပေါင်း ၁၅၀၀ ရဲ့ ပြစ်ဒဏ်တွေကို လျှော့ပေါ့လိုက်ပြီး ပြစ်မှုကြီး မဟုတ်တဲ့ အကျဥ်းကျသူ ၃၉ ယောက်ကိုလည်း လွတ်ငြိမ်းချမ်းသာခွင့် ပေးလိုက်ပါတယ်။ ခေတ်သစ် သမိုင်းမှာ တရက်တည်းနဲ့လုပ်တဲ့ အကြီးမားဆုံး သက်ညှာမှု လုပ်ရပ်ဖြစ်တယ်လို့ အိမ်ဖြူတော်က ပြောပါတယ်။
နှစ်စဥ် ရွေးနေကျ တိုင်းမ်း မဂ္ဂဇင်းရဲ့ တနှစ်တာ အထူးခြားဆုံးလူအဖြစ် အမေရိကန် အရွေးကောက်ခံ သမ္မတ ဒေါ်နယ် ထရမ့်ကို ရွေးချယ်လိုက်ပါတယ်။ NBC ရုပ်မြင်သံကြားရဲ့ ကြာသပတေးနေ့မနက် တူဒေးရှိုးမှာ တိုင်းမ် အယ်ဒီတာချုပ် Sam Jacobs က ခုလို ရွေးချယ်လိုက်ကြောင်း ကြေညာလိုက်တာ ဖြစ်ပါတယ်။
နှစ်သစ် ဇန္နဝါရီ ၂၀ ရက်နေ့မှာ ကျင်းပမယ့် အမေရိကန်သမ္မတ ကျမ်းသစ္စာကျိန်ဆိုပွဲကို တက်ရောက်ဖို့ တရုတ်သမ္မတ ရှိကျင့်ဖျင်နဲ့ တခြား နိုင်ငံခြား ခေါင်းဆောင်တွေကို အရွေးကောက်ခံ သမ္မတ ဒေါ်နယ်ထရမ့်က ဖိတ်ကြားထားပါတယ်။ လက်ခံမခံ မသိရသေးဘူးလို့ ထရမ့်ရဲ့ အကူးအပြောင်းကာလ ပြောခွင့်ရှိသူက FOX သတင်းဌာနကို ပြောပါတယ်။
ဆီးရီးယားနိုင်ငံမှာ Assad အစိုးရရဲ့ လုံခြုံရေးတပ်ဖွဲ့တွေကိုဖျက်သိမ်းပစ်မယ်လို့ သူပုန်ခေါင်းဆောင်က ကြေညာခဲ့ပါတယ်။ အကျဉ်းထောင်တွေကိုလည်းပိတ်ပစ်ပြီး ဖမ်းဆီးခံရသူတွေအပေါ် နှိပ်စက် သတ်ဖြတ်သူအားလုံးကို လိုက်ရှာအပြစ်ပေးမယ်လို့ Assad ကိုဖြုတ်ချခဲ့တဲ့ သူပုန်အဖွဲ့တွေရဲ့ခေါင်းဆောင်က ကြေညာချက်ထုတ်ပြန်ခဲ့ပါတယ်။
နောက်ထပ်ကြည့်ရှုရန်
