အိန္ဒိယနိုင်ငံကိုထွက်ပြေးသွားတဲ့ ဘင်္ဂလားဒေ့ရှ်ဝန်ကြီးချုပ် ရှိတ်ဟာဆီနာကိုလွှဲပြောင်းပေးဖို့ ဘင်္ဂလားဒေ့ရှ်အစိုးရရဲ့ တောင်းဆိုချက်ဟာ နှစ်နိုင်ငံ သံတမန်ဆက်ဆံရေးကို အရှုပ်အထွေးဖြစ်စေ တယ်လို့ အကဲခတ်တွေက ပြောပါတယ်။
အစ္စရေးမြို့တော် Tel Aviv ကို ပဲ့ထိန်းမစ်ဇိုင်းဒုံးတစင်းနဲ့ ပစ်ခတ်ခဲ့တယ်လို့ ဒီကနေ့ ဗုဒ္ဓဟူးနေ့မှာ ယီမင်အခြေစိုက် ဟူသီသူပုန်တွေက ထုတ်ဖေါ်ပြောဆိုပါတယ်။ Tel Aviv မှာ လေကြောင်းရန်အချက်ပေးဥသြသံတွေထွက်ပေါ်ခဲ့ပေမယ့် ထိခိုက်ပျက်စီးခြင်းတော့ မရှိပါဘူး။
Embraer 190 အမျိုးအစား၊ အဇာဘိုင်ဂျန်လေကြောင်းလိုင်းက ပြေးဆွဲတဲ့ လေယာဉ်အမှတ် J2-8243 က အဇာဘိုင်ဂျန်နိုင်ငံ မြို့တော် Baku ကနေ ရုရှားပိုင် Chechnya နယ်မြေရဲ့မြို့တော် Grozny ဆီပျံသန်းစဉ် ခါဇတ်စတန်နိုင်ငံ Aktau မြို့နဲ့ တမိုင်ခွဲကျော်လောက်မှာ အရေးပေါ် ဆင်းသက်ခဲ့ရပြီး ၂၈ ယောက်ထက်မနည်း အသက်ရှင်ခဲ့ပါတယ်။
ဘင်္ဂလားဒေ့ရှ် နိုင်ငံ Cox's Bazar မှာရှိတဲ့ Kutupalong ရိုဟင်ဂျာဒုက္ခသည်စခန်းမှာ မနေ့ ဒီဇင်ဘာလ (၂၄) ရက်နေ့ မွန်းလွဲပိုင်းက ချက်ပြုတ်ရာကနေ မီးလောင်မှုဖြစ်ပွားခဲ့တာမှာ ကလေးတဦးအပါအဝင် အနည်းဆုံး လူ ၂ ဦးသေဆုံးပြီး လူ ၃,၀၀၀ ကျော် အိုးအိမ်မဲ့ဖြစ်သွားကြောင်း ဘင်္ဂလားဒေ့ရှ် တာဝန်ရှိသူတွေက ပြောပါတယ်။
မနက်ဖြန်ဒီဇင်ဘာလ ၂၆ ရက်နေ့ဟာ အင်ဒိုနီးရှား၊ ထိုင်း၊ သီရိလင်္ကာနဲ့ မြန်မာအပါအဝင် ဒါဇင်နဲ့ချီတဲ့ နိုင်ငံတွေမှာ လူပေါင်း ၂၂၀,၀၀၀ (နှစ်သိန်းနှစ်သောင်း) ကျော်သေဆုံးစေခဲ့တဲ့ ဆူနာမီရေလှိုင်းကြီး ရိုက်ခတ်ခဲ့တဲ့ အနှစ် ၂၀ ပြည့် နှစ်ပတ်လည်နေ့ဖြစ်ပါတယ်။
ကမ္ဘာကြီးမှာ ငြိမ်းချမ်းရေးနဲ့ တရားမျှတမှုရှိလာအောင် ဝိုင်း၀န်း ဆုတောင်းကြဖို့ ဒီကနေ့ ခရစ္စမတ် အခါသမယမှာ ပုပ်ရဟန်းမင်းကြီး ဖရန်စစ် က တိုက်တွန်းလိုက်ပါတယ်။ ဗာတီကန်မှာရှိတဲ့ စိန့်ပီတာ ဘုရားကျောင်းမှာ ပုပ်ရဟန်းမင်းကြီးဦးဆောင်တဲ့ ခရစ္စမတ်နေ့ဆုတောင်းပွဲ အခမ်းအနားကို ဒီကနေ့ ခမ်းခမ်းနားနားကျင်းပခဲ့တာပါ။
ဆီးရီးယားအာဏာရှင် Bashar al-Assad ကို တိုက်ထုတ်ရာမှာ ဦးဆောင်ခဲ့တဲ့ Ahmad al-Sharaa နဲ့ လက်နက်ကိုင်အဖွဲ့ ခေါင်းဆောင်တွေအကြား အစည်းအဝေးတရပ်လုပ်ပြီးတဲ့နောက် အခုလို ကြေညာချက် ထွက်လာတာပါ။
အာဖဂန်နစ္စတန်နိုင်ငံက တာလီဘန်ခေါင်းဆောင်တွေနဲ့ ပါကစ္စတန်နိုင်ငံက အဆင့်မြင့်ကိုယ်စားလှယ်တွေအာဖဂန်မြို့တော် Kabul မှာ အင်္ဂါနေ့က တွေ့ဆုံဆွေးနွေးခဲ့ပါတယ်။ အကြမ်းဖက်ဝါဒစွပ်စွဲချက်တွေကြောင့် တနှစ်ကြာရပ်နားထားတဲ့ဆွေးနွေးပွဲတွေ ပြန်စလိုက်တာလည်းဖြစ်ပါတယ်။
ဂါဇာမြောက်ပိုင်းက Indonesian ဆေးရုံကနေ တိမ်းရှောင်ကြဖို့ အစ္စရေးစစ်တပ်က တွန်းအားပေးခဲ့တဲ့အတွက် မိုင်ချီဝေးတဲ့ နောက်ထပ်ဆေးရုံတခုဆီလူနာအတော်များများရောက်လာကြတယ်လို့ ဂါဇာကျန်းမာရေးဌာနက ပြောပါတယ်။ လူနာတချို့ဆိုရင် ခြေကျင်လာခဲ့ကြတာလို့လည်းပြောပါတယ်။
ပြီးခဲ့တဲ့၂၄ နာရီအတွင်းမှာပဲ ယူကရိန်းနိုင်ငံအရှေ့ပိုင်း Donetsk ဒေသထဲက ကျေးရွာတခုကို ရုရှားတပ်တွေ ထပ်မံထိန်းချုပ်လိုက်တယ်လို့ ရုရှားကာကွယ်ရေးဝန်ကြီးဌာနက တနင်္လာနေ့မှာ ပြောပါတယ်။
ဆီးရီးယားမှာ ဆိုးဝါးပြင်းထန်တဲ့ စစ်ရာဇဝတ်မှုတွေစုံစမ်းဖေါ်ထုတ်ရေး လွတ်လပ်တဲ့ စုံစမ်းရေးကော်မရှင် ထားသွားမှာဖြစ်သလို အာဏာပိုင်အဖွဲ့သစ်ဟာ နားလည်လက်ခံလွယ်ပြီး ကုလသမဂ္ဂကိုယ်စားလှယ်အဖွဲ့နဲ့ ပူးပေါင်းလုပ်ဆောင်တယ်လို့ ဆီးရီးယားမြို့တော် ဒမတ်စကတ်ကိုသွားရောက်ခဲ့တဲ့ ကုလသမဂ္ဂကိုယ်စားလှယ်အဖွဲ့က ပြောပါတယ်။
ဟောင်ကောင်မှာ အမျိုးသားလုံခြုံရေးကို ထိပါးစေတာကြောင့်ဆိုပြီး ဒီမိုကရေစီရေးလှုပ်ရှားသူ ၆ ဦးကို ဖမ်းဆီးဖို့ ဒီကနေ့ ဒီဇင်ဘာ ၂၄ ရက်နေ့မှာပဲ အမေရိကန်ဒေါ်လာ ၁၃၀,၀၀၀ နီးပါးနဲ့ ညီမျှတဲ့ ဟောင်ကောင်ဒေါ်လာ ၁ သန်း ဆုငွေ ထုတ်လိုက်ပါတယ်။
မြန်မာနိုင်ငံအတွင်း လက်နက်ကိုင်ပဋိပက္ခတွေကြား ရိုဟင်ဂျာဒုက္ခသည်တွေကို ပစ်မှတ်ထား တိုက်ခိုက်တာတွေ ပိုများလာနေတဲ့အတွက် အခြေအနေ ပိုဆိုးလာမယ်လို့ မျှော်လင့်ကြောင်း ကော့်ဇ်ဘဇားမှာရှိတဲ့ နယ်စည်းမခြား ဆရာဝန်များအဖွဲ့ (MSF) စီမံကိန်းညှိနိုင်းရေးမှူး Stephanie Hoffman က X လူမှုကွန်ယက်မှာ ပြောပါတယ်။
"ဒေါင့်ဘိုးရွာကို ဗုံးကြဲသွားတာပေါ့နော်။ လေယာဉ်နဲ့ ကြဲသွားတာ။ လင်မယား ၂ ယောက် ပွဲချင်းပြီးသေသွားတာ။ နွားတွေလည်း သေသွားတယ်။ လေကြောင်းတိုက်ခိုက်မှုက နွားထိုးကြီး နယ်ထဲမှာ အမြဲတမ်းလိုလို လော်ဘီတွေက ဟိုပြောဒီပြော လျှောက်ပြောတာနဲ့ အကုန်လျှောက် လုပ်နေတာပါပဲ။" (မြင်းခြံ အမှတ် (၄၁၀) တပ်ရင်းပြောခွင့်ရ)
ရခိုင်ပြည်နယ်အတွင်း လက်နက်ကိုင်ပဋိပက္ခတွေကြား ပြီးခဲ့တဲ့ လပိုင်းတွေအတွင်း နောက်ထပ် ခန့်မှန်းခြေ လူ ၃ သိန်း ၆ သောင်း လောက် အိုးမဲ့အိမ်မဲ့ထွက်ပြေးကြရတဲ့အတွက် အခုဆိုရင် နေရပ်စွန့်ခွား ထွက်ပြေးနေရတဲ့ အရေအတွက် ၅ သိန်း ၇ သောင်း နီးပါး ရှိလာတဲ့အကြောင်း UNOCHA က သတင်းထုတ်ပြန်ပါတယ်။
မြန်မာနိုင်ငံနယ်စပ် ရွှေကုက္ကိုမြို့မှာ ပြင်းထန်တဲ့ ဝမ်းပျက်ဝမ်းလျောရောဂါကူးစက်မှုတွေ ဖြစ်ပွားနေတာကြောင့် မဲဆောက်အနီး Tak ခရိုင်အတွင်း နယ်စပ်ဖြတ်သန်းခွင့် တလ တိတိ ပိတ်ပင်မယ့်အကြောင်း ထိုင်း ကာကွယ်ရေးဝန်ကြီးချုပ်လည်းဖြစ် ဒုတိယ ဝန်ကြီးချုပ်လည်းဖြစ်တဲ့ Phumtham Wechayachai က ကြေညာပါတယ်။
ရုရှားရဲ့ Kursk ဒေသကို ဝင်ရောက် တိုက်ခိုက်ရာမှာ မြောက်ကိုရီးယား စစ်သား ၃၀၀၀ ကျော် သေဆုံး ဒါမှမဟုတ် ဒဏ်ရာ ရရှိခဲ့ကြတယ်လို့ ယူကရိန်း သမ္မတ ဗိုလိုဒီမာ ဇယ်လန်စကီးက တနင်္လာနေ့က ပြောပါတယ်။ ကနဦး ရရှိတဲ့ သတင်းတွေအရ အခုလို ပြောတာ ဖြစ်တယ်လို့ ဇယ်လန်စကီး က X လူမှု စာမျက်နှာမှာ ရေးခဲ့တာပါ။
ဂါဇာမှာ ထိန်းထားတဲ့ ဓားစာခံတွေ လွတ်မြောက်ရေး ဆွေးနွေးပွဲမှာ တိုးတက်မှု တချို့ ရရှိခဲ့တယ်လို့ အစ္စရေး ဝန်ကြီးချုပ် ဘင်ဂျမန် နေသန်ယာဟု က အစ္စရေး လွှတ်တော်မှာ တနင်္လာနေ့က ပြောပါတယ်။
သေဒဏ်တိုးချဲ့ပေးဖို့ လိုလားသူ ထရမ့် သမ္မတ ဖြစ်လာဖို့ ရက်သတ္တပတ် အနည်းငယ်အလိုမှာ အခုလို ကြေညာလိုက်တာလည်း ဖြစ်ပါတယ်။ အကြမ်းဖက် ဝါဒနဲ့ လူမျိုး ဘာသာရေး အခြေခံ မုန်းတီး သတ်ဖြတ်မှုတွေကလွဲပြီး၊ ကျန် သေဒဏ်တွေကို လျှော့ပေါ့လိုက်တာပါ။
ရွေးကောက်ခံ သမ္မတ ဒေါ်နယ်ထရမ့်က ပနားမား တူးမြောင်းကို ပြန်လည် ထိန်းချုပ်နိုင်တယ်လို့ တနင်္ဂနွေနေ့က ခြိမ်းခြောက်လိုက်ပါတယ်။
နောက်ထပ်ကြည့်ရှုရန်
