ဆူဒန်နိုင်ငံမှာ ၁၆ လကျော်ကြာစစ်ပွဲတွေကြောင့် လူပေါင်း နှစ်သောင်းကျော် သေဆုံးခဲ့ရကြောင်း ဆူဒန်နိုင်ငံ ပင်လယ်နီဆိပ်ကမ်းမြို့ဖြစ်တဲ့ Port Sudan မှာ WHO ကမ္ဘာ့ကျန်းမာရေးအဖွဲ့ ညွန်ကြားရေးမှူးချုပ် Tedros Adhanon Ghebreyesus က သတင်းစာရှင်းလင်းပွဲတရပ်ပြုလုပ်ရာမှာ အခုလို အသေအပျောက်နှုန်း ပြောသွားပါတယ်။
လွန်းပျံယာဉ်မှာ တွန်းအားပြဿနာနဲ့ ဟီလီယမ် ဓာတ်ငွေ့ ယိုစိမ့်မှု ပြဿနာတွေ ဖြစ်ခဲ့လို့ အပြန်အခရီး နှောင့်နှေးနေခဲ့တာပါ။ လူမပါတဲ့ စတားလိုင်နာ လွန်းပျံယာဥ်ကတော့ ကမ္ဘာ့ပတ်လမ်းထဲက သုတေသန စခန်းကနေ ထွက်ခွာပြီး ခြောက်နာရီအကြာမှာ ကမ္ဘာကို ပြန်လည် ဆင်းသက်နိုင်ခဲ့တာ ဖြစ်ပါတယ်။
ရိုဟင်ဂျာလက်နက်ကိုင် အဖွဲ့တခု ဖြစ်တဲ့ ရိုဟင်ဂျာသွေးစည်းညီညွတ်ရေးအဖွဲ့ (RSO) နဲ့ မြန်မာ စစ်ကောင်စီတပ်တွေ ကြားမှာ အချင်းချင်း မတိုက်ခိုက်ဖို့ နားလည်မှု ရှိထားကြတယ်လို့ RSO တာဝန်ရှိသူ တဦးက ရိုက်တာ သတင်းဌာနကို သီးသန့် ဖြေကြားကြောင်း စက်တင်ဘာ ၆ ရက်နေ့မှာ ရိုက်တာက ထုတ်ပြန်ပါတယ်။
အီရန်အစ္စလာမ္မစ်သမ္မတနိုင်ငံက ရုရှားကို ပဲ့ထိန်းဒုံးကျည်တွေ ပေးပို့မယ်ဆိုတဲ့ သတင်းတွေ ထွက်ပေါ် နေတာနဲ့ ပတ်သက်ပြီး အီရန်အစိုးရဟာ အကျိုးဆက်တွေကို ရင်ဆိုင်ရာမှာ ဖြစ်ကြောင်း အမေရိကန် သမ္မတ အိမ်ဖြူတော်က သောကြာနေ့မှာ သတိပေးလိုက်ပါတယ်။
West Bank ခေါ်ဂျော်ဒန်မြစ် အနောက်ဘက်ကမ်းဒေသက ပါလက်စတိုင်းထောက်ခံတဲ့ ဆန္ဒပြပွဲတခု အတွင်း အစ္စရေးစစ်သားတွေရဲ့ ပစ်ခတ်မှုကြောင့် သောကြာနေ့က သေဆုံးခဲ့ရတဲ့ တူရကီနွယ်ဖွား အမေရိကန်အမျိုးသမီးရဲ့ မိသားစုက လွတ်လပ်တဲ့ စုံစမ်းစစ်ဆေးမှုပြုလုပ်ပေးဖို့ စနေနေ့က တောင်းဆိုပါတယ်။
ကရင်ပြည်နယ် မြဝတီမြို့တောင်ဘက် ထိုင်းမြန်မာနယ်စပ် လေးကေကော် မြို့သစ်မှာရှိတဲ့ စစ်ကောင်စီတပ် စွယ်တော်ကုန်း လက်နက်ကြီးစခန်း ရှိရာကို KNLA/PDF ပူးပေါင်းတပ်တွေက ထိုးစစ်ဆင် တိုက်ခိုက်နေရာမှာ ညဘက်တွေမှာလည်း တိုက်ပွဲတွေ ပြင်းထန်နေပြီး၊ စစ်ကောင်စီဘက်က ညစဉ်လက်နက်ကြီးတွေနဲ့ ပြန်လည်ပစ်ခတ်နေပါတယ်။
အာဖရိကတိုက် အရှေ့မြောက်ပိုင်း ဆူဒန်နိုင်ငံမှာ ရေသွင်းစိုက်ပျိုးရေးအတွက် ကုန်ကျစာရိတ်များပြီး ပုံမှန်မရတဲ့ လျှပ်စစ်မီး အစား နေရောင်ခြည်စွမ်းအင်သုံး ဆိုလာပြားတွေကို အသုံးပြုလာကြရာကနေ ဆိုလာနဲ့ပတ်သက်ပြီး အပိုပစ္စည်းရှားပါးလာတဲ့အတွက် ထုတ်လုပ်မှုအပိုင်းမှာ အခက်အခဲတွေရှိလာပါတယ်။
ရုရှား၊ တရုတ်နဲ့ အီရန်နိုင်ငံတွေက လာမယ့် အမေရိကန် သမ္မတ ရွေးကောက်ပွဲမှာ မဲရရှိနိုင်မှုနဲ့ ရွေးကောက်ပွဲ ရလဒ်တွေ အပေါ်သြဇာ သက်ရောက်နိုင်ဖို့ အမေရိကန် မဲဆန္ဒရှင်တွေကို ပစ်မှတ်ထားပြီး ခေတ်မီ နည်းပညာတွေနဲ့ တိုးချဲ့လုပ်ဆောင် နေတယ်လို့ အမေရိကန်ထောက်လှမ်းရေးဌာနက သောကြာနေ့မှာ ပြောပါတယ်။
တရုတ် အာဖရိက ပူးပေါင်းဆောင်ရွက်ရေးညီလာခံ FOCAC ၂၀၂၄ ထိပ်သီးအစည်းအဝေးကို တရုတ်ပြည် ဘေဂျင်းမြို့မှာ ဗုဒ္ဓဟူးနေ့ကနေ သောကြာနေ့ အထိ ၃ ရက်ကြာကျင်းပခဲ့ပြီး အာဖရိကအတွက် ၃ နှစ်အတွင်း ငွေကြေးအကူအညီ ဒေါ်လာ ၅၁ ဘီလီယံထောက်ပံ့ဖို့ တရုတ်က ကတိပြုခဲ့ပါတယ်။
ဂျော်ဒန်မြစ် အနောက်ဘက်ကမ်း Beita (ဘိုက်တာ) မြို့မှာ အစ္စရေးတွေ ဝင်ရောက် အခြေချ နေထိုင်တာကို ကန့်ကွက်တဲ့ ပါလက်စတိုင်းဆန္ဒပြပွဲနဲ့ ဝတ်ပြုပွဲမှာ ပါဝင်ခဲ့တဲ့ တူရကီနွယ်ဖွား အမေရိကန်နိုင်ငံသူတဦးဟာ အစ္စရေးတပ်ဖွဲ့တွေရဲ့ ပစ်ခတ်မှု ကြောင့် သေဆုံးသွားခဲ့ပါတယ်။
ယူကရိန်းနေနဲ့ တာဝေးပစ် ဒုံးလက်နက်တွေကို ရုရှားအတွင်းပိုင်းအထိ ပစ်ခတ်နိုင်စွမ်းရှိဖို့ လိုအပ်နေတယ်လို့ သောကြာနေ့က ဂျာမနီ နိုင်ငံမှာ ပြုလုပ်တဲ့ ယူကရိန်းကာကွယ်ရေး မဟာမိတ်နိုင်ငံများအစည်းအဝေးမှာ ယူကရိန်းသမ္မတ Volodymyr Zelenskyy ကပြောပါတယ်။
သံတွဲမြို့နယ်က စစ်ကောင်စီရဲ့ တခုတည်းသော လက်ကျန်စခန်းဖြစ်တဲ့ ရေတပ် ပင်မရေငုပ်နဲ့ ဆယ်ယူရေး တပ်စခန်း (Central Naval Diving and Salvage Deport Myanmar Navy) CNDSD ကို အာရက္ခတပ်တော် AA က စက်တင်ဘာလ ၅ ရက်နေ့မှာ အပြီးသတ်သိမ်းပိုက် နိုင်ခဲ့တယ်လို့ စက်တင်ဘာ ၆ ရက် သောကြာနေ့မှာ AA ကသတင်းထုတ်ပြန်ပါတယ်။
ဂျပန်နဲ့ တောင်ကိုရီးယား နိုင်ငံ့ခေါင်းဆောင်နှစ်ဦးတောင်ကိုရီးယားနိုင်ငံဆိုးလ်မြို့တော်မှာဒီကနေ့ တွေ့ဆုံပြီး ဒေသတွင်း ငြိမ်းချမ်းရေးနဲ့ တည်ငြိမ်ရေး ကိစ္စတွေ ဆွေးနွေးကြပါတယ်။တာဝန်က အနားယူတော့မယ့် ဂျပန်ဝန်ကြီးချုပ် Fumio Kishida ဟာ ဒီကနေ့ပဲ တောင်ကိုရီယား နိုင်ငံကို ၂ ရက်ကြာခရီးစဥ်နဲ့ သွားရောက်နေတာပါ။
ကင်ညာနိုင်ငံက ကျောင်းအိပ် ကျောင်းစား အခြေခံမူလတန်းကျောင်းဆောင်တခု မီးလောင်မှုဖြစ်ပွားခဲ့တာမှာ အနည်းဆုံး ကျောင်းသား ၁၇ ဦး သေဆုံးပြီး ၁၃ ဦး ပြင်းထန်တဲ့ မီးလောင်ဒဏ်ရာတွေ ရခဲ့တယ်လို့ ရဲတပ်ဖွဲ့က ဒီကနေ့ စက်တင်ဘာ ၆ ရက်နေ့မှာ ပြောပါတယ်။ သေဆုံးသူအရေအတွက် ထပ်တိုးလာနိုင်တယ်လို့ ရဲတပ်ဖွဲ့က ပြောပါတယ်။
အားပြင်းတဲ့ စူပါတိုင်ဖုန်းမုန်တိုင်း Yagi ဟာ လေတိုက်နှုန်း တနာရီ ၁၄၅ မိုင်နှုန်းနဲ့ သောကြာနေ့ နေ့လည်ပိုင်းမှာ တရုတ်နိုင်ငံ ဟိုင်နန်ကျွန်း အရှေ့မြောက်ဘက် Wenchang မြို့ကို သောကြာညပိုင်းမှာ ဝင်ရောက်တိုက်ခတ်ပါတယ်။
မြန်မာနိုင်ငံထဲမှာ အခြေစိုက်တဲ့ အွန်လိုင်းငွေလိမ်ဂိုဏ်းတွေမှာ အလုပ်လုပ်ဖို့ အဓမ္မ ဖမ်းဆီး ခိုင်းစေခံနေရတဲ့ သီရိလင်္ကာနိုင်ငံသား ၂၀ ကို နေရပ်ပြန်ပို့နိုင်ခဲ့တယ်လို့ သီရိလင်္ကာသံရုံးက ဒီနေ့ သောကြာနေ့မှာ ထုတ်ပြန်ထားပါတယ်။
ပျက်ကွက်မယ်ဆိုရင် ပြည်ပထွက်ခွင့် ကာလအကန့်အသတ်နဲ့ ပိတ်တာ၊ ပြည်ပအလုပ်အကိုင် သက်သေခံကတ် OWIC ထုတ်မပေးတာ၊ နိုင်ငံကူးလက်မှတ် (passport) သက်တမ်း တိုးမပေးတာတွေ လုပ်သွားမယ်လို့ ထုတ်ပြန်ခဲ့ပါတယ်။
အမေရိကန်မှာ သေနတ်ကြောင့် သေဆုံးရမှုပိုများနေချိန် ရွေးကောက်ပွဲအတွက်မဲဆွယ်နေတဲ့ ဒုတိယသမ္မတ Kamala Harris က သေနတ် ထိန်းချုပ်မှုကို ပိုပြီး တင်းကြပ်လိုပြီး သူမရဲ့ ပြိုင်ဘက် သမ္မတဟောင်း Donald Trump ကတော့ သေနတ်ကိုင်ဆောင်ခွင့် ဆိုင်ရာ တားမြစ်ကန့်သတ်ချက်တွေကို ပြန်လည် ရုပ်သိမ်းမယ်လို့ ကတိပြုထားပါတယ်။
တရုတ်- မြန်မာနယ်စပ် ရှမ်းပြည်နယ်မြောက်ပိုင်းက နမ့်ခမ်းမြို့ကို ဒီကနေ့မနက်အစောပိုင်းမှာ စစ်ကောင်စီက လေကြောင်းက ဗုံးကြဲတိုက်ခိုက်ခဲ့တာကြောင့် ကလေးငယ်နဲ့ ကိုယ်ဝန်ဆောင်မိခင်အပါအဝင် လူ ၁၁ ဦးသေဆုံးခဲ့ပါတယ်။
ယူကရိန်း အနေနဲ့ အမေရိကန်မှာ Donald Trump သို့မဟုတ် Kamala Harris သမ္မတ ဖြစ်လာရင် မကြုံဖူးလောက်အောင်ကွဲပြားတဲ့ အခြေအနေတွေနဲ့ကြုံရမှာပါ။ ဒါပေမဲ့လည်း သမ္မတလောင်း ၂ ယောက်လုံးအနေနဲ့ ယူကရိန်း စစ်ပွဲမှာ ရုရှား နဲ့ ဘယ်လို ဆက်ဆံမလဲ ဆိုတာကို သေချာမရှင်းလင်းထားပါဘူး။
နောက်ထပ်ကြည့်ရှုရန်
