အမေရိကန်ပြည်ထောင်စုနဲ့ မြန်မာ နှစ်နိုင်ငံဆက်ဆံရေး အရင်ကထက် ပိုမိုလမ်းပွင့်လာပြီးနောက် မြန်မာနိုင်ငံသားတွေအတွက် အမေရိကန်ကို လာရောက်လည်ပတ်ခွင့် ပိုပြီးရလာနေပါတယ်။ မြန်မာခရီးသွား အုပ်စုလိုက် အမေရိကန်နိုင်ငံကို လာရောက်လည်ပတ်တဲ့ ခရီးစဉ် အများအပြားရှိလာနေချိန် အလည်သက်သက် ခရီးစဉ်ထက် အတွေ့အကြုံကောင်းကောင်းရဖို့၊ မိမိရည်ရွယ်လေ့လာလိုတဲ့ နေရာတွေ အရောက်သွားနိုင်ဖို့ စတဲ့ ထူးထူးခြားခြား ဝန်ဆောင်မှုတွေ ပေးနေကြောင်း အမေရိကန်အခြေစိုက် The Lady Travels & Tours ကုမ္မဏီ ကိုတည်ထောင်သူတဦးဖြစ်တဲ့ မြန်မာနွယ်ဖွား မခြိမ့်ကို ဝါရှင်တန်ဒီစီက ဗွီအိုအေရုံးကို ဖိတ်ခေါ်ပြီး မအင်ကြင်းနိုင်က တွေ့ဆုံမေးမြန်းထားပါတယ်။