ဂျာမနီနိုင်ငံ Hamburg မြို့က ကမ္ဘာ့စီးပွားရေး ထိပ်သီးနိုင်ငံပေါင်း ၂၀ G-20 ညီလာခံကို အမေရိကန်သမ္မတ Donald Trump တက်ရောက်ခဲ့ရာမှာ မထင်မှတ်ဘဲ အခုနောက်ဆုံး အများအာရုံစိုက်ခံခဲ့ရတဲ့ ကိစ္စတခုကတော့၊ သမ္မတတာဝန်နဲ့ မိသားစု တာဝန်ကြား ကွဲကွဲပြားပြား ရှိရဲ့လား ဆိုတာပဲ ဖြစ်ပါတယ်။ ထိပ်သီးညီလာခံအတွင်း အလုပ်သဘော ဆွေးနွေးပွဲ အနည်းဆုံး တခုမှာ သမ္မတ Trump ကိုယ်စား သမီးဖြစ်သူ Ivanka တက်ရောက်ခဲ့တဲ့အတွက် နောက်ဆက်တွဲ မေးခွန်းတွေ ထွက်ပေါ်လာခဲ့တာပါ။ ဒီအကြောင်း ဗွီအိုအေသတင်းထောက် Steve Herman ရဲ့သတင်းဆောင်းပါးကိုတော့ ကိုအောင်အောင်က တင်ပြထားပါတယ်။