မြန်မာနိုင်ငံအတွင်းမှာ ရင်းနှီးမြှုပ်နှံကြဖို့ အမေရိကန် စီးပွားရေးကုမ္ပဏီတွေကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်က ဖိတ်ခေါ်လိုက်ပါတယ်။ ဒါ့အပြင် အဂတိလိုက်စားမှုကင်းတဲ့၊ ကျင့်ဝတ်တွေကို စောင့်ထိန်းပြီး တာဝန်ယူမှုရှိတဲ့ ရင်းနှီး မြှုပ်နှံမှုတွေ ဖြစ်ဖို့ကိုလည်း ကြာသပတေးညက ဝါရှင်တန်ဒီစီမြို့တော်မှာ အာဆီယံ စီးပွားရေးကောင်စီက တည်ခင်းတဲ့ ညစာ စားပွဲအတွင်း ပန်ကြားသွားပါတယ်။ ညစာစားပွဲမှာ သတင်းသွားယူတဲ့ ဦးသိန်းထိုက်ဦးက တင်ပြထားပါတယ်။