TV Schedule

ဗွီအိုအေ မြန်မာ နံနက်ခင်း ( ဒီဇင်ဘာ ၉ ရက်၊ ၂၀၂၃) Gaza မှာ Hamas တို့ရဲ့ မြေအောက်ဥမင်သစ်တွေကြောင့် တိုက်ပွဲအရှိန် မြှင့်ရတယ်လို့ အစ္စရေးကဆိုပါတယ်။ မြန်မာနိုင်ငံမှာ ၂၀၂၁ စစ်အာဏာသိမ်းအပြီး သတ်ဖြတ်မှု ပိုများလာတယ်လို့ ကုလသမဂ္ဂက ထုတ်ပြန်ပါတယ်။ ဒီလို နောက်ဆုံးရသတင်းတွေနဲ့အတူ အမျိုးသမီးကဏ္ဍ၊ သုတစုံလင် အမေရိကန်တခွင်၊ သိပ္ပံနဲ့နည်းပညာ အစီအစဉ်တွေကို တင်ဆက်ထားပါတယ်။

ရှမ်းမြောက်မြို့သိမ်းတိုက်ပွဲများ စစ်နယ်မြေ ပိုချဲ့၊ ချင်းနဲ့ရခိုင်ဒေသ တိုက်ပွဲများ‌ နေ့စဉ်ရှိနေ၊ အရပ်သား အိုးအိမ်စွန့် ပြေးရသူ သိန်းချီတိုး၊ စစ်ကောင်စီဝန်ကြီးနဲ့ တရုတ် ဘေကျင်းမှာတွေ့၊ ဒီလို တပတ်အတွင်း ထိပ်တန်းရောက် သတင်းများ၊ ထိုင်းမြန်မာနယ်စပ် ကုန်သွယ်ရေးပြတ်တောက် ဒီလိုလယ်ယာစီးပွား သတင်းတွေ၊ စစ်ကောင်စီအကြီးအကဲ နိုင်ငံရေးနည်းနဲ့ဖြေရှင်းရေးပြောဆို သတင်းထောက်မှတ်စုတို့ကို ၂၀၂၃၊ ဒီဇင်ဘာ ၉ စနေ၊ ဗွီအိုအေ တပတ်အတွင်းသတင်းမှာ ကြည့်ရှုနိုင်ပါတယ်။

ဂါဇာချက်ချင်းအပစ်ရပ်ရေး လုံခြုံရေးကောင်စီမှာ ကန်ဗီတိုသုံးပယ်ချ၊ COP28 နဲ့ ရုပ်ကြွင်းလောင်စာပြဿနာ၊ မြန်မာပြည်သူတွေ ရင်ဆိုင်နေကြရတဲ့ စက်သုံးဆီ ရှားပါး ဈေးတက်မှုဒဏ် စတဲ့သတင်းတွေနဲ့ အပတ်စဉ်ကဏ္ဍတွေ တင်ဆက်ထားပါတယ်။