TV Schedule

ဆိုင်ကလုံးမိုခါအတွက် ကုလသမဂ္ဂကကူဖို့ပြင်နေသလို ရခိုင်ဒေသခံတွေက ရင်ဆိုင်နိုင်ဖို့ ပြင်ဆင်နေတာ၊ ညောင်လေးပင်ခရိုင်မုန်းမြို့နယ်တိုက်ပွဲကြောင့် သေဆုံးမှုတွေအပြင် ဆူဒန်ပဋိပက္ခကြောင့် နေရပ်စွန့်ပြေးရသူ ၂ သိန်းရှိလာတဲ့ သတင်းတွေနဲ့အတူ အပတ်စဉ်တင်ဆက်နေကျ အမျိုးသမီးကဏ္ဍ၊ သုတစုံလင် အမေရိကန်တခွင်နဲ့ သိပ္ပံနဲ့နည်းပညာကဏ္ဍတွေကို တင်ပြပေးဖို့ရှိပါတယ်။

မြန်မာပြည် တိုးတက်မှုမရှိတာကြောင့် အာဆီယံအဖွဲ့ မစွက်ဖက်ရေးမူပြောင်းဖို့ အာဆီယံ အစည်းအဝေးမှာ တောင်းဆို၊ ပဇီကြီးတိုက်ခိုက်မှု အားပြင်းလေဟာဗုံး စစ်ကောင်စီ အသုံးပြုလို့ HRW ပြော၊ ဒီလို တပတ်အတွင်း ထိပ်တန်းရောက် မြန်မာသတင်းတွေ၊ အိန္ဒိယ၊ မြန်မာ နယ်စပ်ကုန်သွယ်ရေးရပ်တန့်၊ ပြီးတော့ လယ်ယာထွက်ကုန်ဈေးအတက်အကျ အစရှိတဲ့ လယ်ယာစီးပွားသတင်းတွေ၊ နောက်ပိုင်းမှာတော့ မြန်မာနိုင်ငံဘဏ်တွေရဲ့ အလားအလာ အပေါ်သုံးသပ်ချက် သတင်းထောက်မှတ်စုကို ၂၀၂၃၊ မေ ၁၃ စနေ၊ ဗွီအိုအေ တီဗွီမဂ္ဂဇင်းမှာ ကြည့်ရှုနိုင်ပါတယ်။

အနီရောင်အဆင့်မုန်တိုင်း မိုခါ တနာရီ မိုင် ၁၂၀ ဝန်းကျင်နဲ့ ရခိုင်ဘက်ဦးတည် ရွေ့လာနေပြီး အားပြင်းမုန်တိုင်းအဖြစ် ကမ်းတက်နိုင်လို့ အထူးသတိထားကြဖို့ သတိပေးပြင်ဆင်၊ ဒီလို မြန်မာနဲ့ ကမ္ဘာ့သတင်းတွေ၊ ဒို့အသံ၊ ဒီမိုကရေစီ လူ့အခွင့်အရေးနဲ့ ခေတ်ပြိုင်ကမ္ဘာ အစရှိ အပတ်စဉ်ကဏ္ဍတွေကို တင်ဆက်ထားပါတယ်။