"ရေစကြီးကတည်းက လေးငါးရက်အထိ ပေးမသွားဘူး။ အကုန်လုံး ပိတ်တားတယ်။ ရွာထဲကိုပဲလက်နက်ကြီးနဲ့ ပစ်ထုတယ်။ အဲဒီ ၄၃၉ စစ်တပ်ကပေါ့။ ရွာထဲကိုနောက်ပိုင်းလာတဲ့သူတွေထဲမှာတော့ မူဆလင်အဖွဲ့တချို့လည်းပါလာတယ်။ သူတို့လာတဲ့ တဖွဲ့နှစ်ဖွဲ့ကတော့ အိမ်တွေထိ လိုက်ကယ်ဆယ်ကြတယ်။”(ဒေသခံ ကယ်ဆယ်ရေးလုပ်သူတဦး)
ကရင်အမျိုးသားအစည်းအရုံး KNU ထိန်းချုပ်ရာ ပဲခူးတိုင်း တောင်ငူခရိုင်မှာ ရေကြီးရေလျှံမှုကြောင့် ကျေးရွာပေါင်း (၇၅) ရွာ ရေနစ်မြှုပ်ကာ လူဦးရေ ၁၄၈,၅၀၀ ဦး ရေဘေးဒဏ်သင့်ပြီး၊ စာသင်ကျောင်းတခု ပျက်စီးပြီးလူ ၇ ဦး သေဆုံးခဲ့တယ်လို့ ကေအန်ယူက စက်တင်ဘာလ ၂၂ ရက်နေ့မှာ သတင်းထုတ်ပြန်ခဲ့ပါတယ်။
သံဖြူဇရပ်မြို့မှာတော့ ရေဘေးကူညီကယ်ဆယ်ရေးနဲ့ လူနာတွေပို့ဆောင်ရေး လုပ်နေတဲ့ ပိုင်ရှင်မဲ့ လူမှုကူညီရေးအသင်း ဥက္ကဋ္ဌ အပါအဝင် အသင်းဝင်ငါးဦးကို ဖမ်းဆီးတာလုပ်ခဲ့သလို တောင်ငူ တပ်ကုန်းနေပြည်တော်ဘက်ကိုသွားတဲ့ ကယ်ဆယ်ရေးလုပ်ငန်း လုပ်နေသူတွေကို ငွေညှစ်တောင်းခံတယ်လို့ ပြောပါတယ်။
ကရင်ပြည်နယ်အတွင်းက မြဝတီ-ကော့ကရိတ် အာရှလမ်းမသစ်လမ်းပိုင်းနဲ့ ဒေါနတောင်လမ်းဟောင်းပိုင်းကို စစ်ကောင်စီက ပြန်လည်ထိန်းချုပ်နိုင်ဖို့ ကော့ကရိတ်ဘက်ကနေ စစ်ရေးအရှိန်မြှင့်ပြီး တိုက်ခိုက်နေတဲ့အတွက် တိုက်ပွဲတွေပြန်ဖြစ်လာပြီး ဒေသခံတွေ ထွက်ပြေးတိမ်းရှောင်နေရတယ်လို့ ကရင်လူ့အခွင့်ရေးအဖွဲ့ကပြောပါတယ်။
မြန်မာနိုင်ငံအနှံ့ ရေဘေးသင့်နေချိန် ကရင်ပြည်နယ်အတွင်းမှာလည်း ရေဘေးဒဏ်ကိုကြုံတွေ့နေရပြီး သောင်ရင်းမြစ်၊ သံလွင်မြစ်ကမ်းဘေး တွေမှာနေနေကြရတဲ့ စစ်ဘေးရှောင် စခန်းတွေလည်း ရေဘေးဒဏ်ခံရတယ်လို့ လူမူကယ်ဆယ်ရေးအဖွဲ့တွေနဲ့ ကရင်လူ့အခွင့်ရေးအဖွဲ့တွေက ဆိုပါတယ်။
ကရင်ပြည်နယ် ဒူးပလာယာခရိုင်၊ တပ်မဟာ(၆)၊ ဝင်းရေးမြို့ နယ်ထဲမှာရှိတဲ့ စစ်ကောင်စီရဲ့ လွှတ်ရှမ်း စစ်ကောင်စီတပ်စခန်းကို လေကြောင်းကနေ အပြင်းအထန် တိုက်ခိုက်နေတဲ့ကြားကပဲ ကရင်အမျိုးသားလွတ်မြောက်ရေးတပ်မတော် KNLA/ PDF ပူးပေါင်းတပ်တွေက သိမ်းပိုက်ခဲ့တာကြောင့် လွတ်ရှမ်းစခန်း ကျသွားကြောင်း ဒေသခံတဦးကပြောပါတယ်။
ထိုင်း-မြန်မာနယ်စပ် တာ့ခရိုင် မဲဆောက်မြို့မှာ အဖမ်းအဆီးတွေ အများအပြားရှိနေပါတယ်။ အဖမ်းခံရသူတွေဟာ ထိုင်းနိုင်ငံက ပြဌာန်း ထားတဲ့ အလုပ်လုပ်ခွင့်ဆိုင်ရာ စည်းမျဥ်းဥပဒေတွေနဲ့မကိုက်ညီဘဲ အလုပ်လုပ်နေကြသူတွေနဲ့ အထောက်အထားမဲ့ ဝင်လာသူတွေဖြစ်တယ်လို့ ဆိုပါတယ်။
ထိုင်းအကျဉ်းထောင်တွေက လွက်ရက်စေ့ပြီး မြန်မာနိုင်ငံ ကော့သောင်းဖက်ကို ပြန်ပို့ခံရတဲ့ လူငယ် ၂၇ ဦးကို စစ်မှုထမ်းခိုင်းဖို့ ခေါ်ဆောင်သွားစဉ် အစောင့်စစ်သား ၂ ဦးကို သတ်ဖြတ်ပြီး တိမ်းရှောင်သွားတယ်လို့ ဒေသခံ ကာကွယ်ရေးအဖွဲ့တာဝန်ရှိသူက ပြောပါတယ်။
ချင်းမိုင်ခရိုင် မဲအိုင်းမြို့နယ် ဒွိုင်လန်တောင်တန်း အမှတ် (၄) ကျေးရွာအုပ်စုအနီးက တောင်တန်းမှာ အမှတ် (၃) နယ်ခြားစောင့်တပ်နဲ့ ထိုင်း ဖမောင့်တပ် ပူးပေါင်းတပ်တွေဟာ မြန်မာနိုင်ငံဘက်ကနေဝင်ရောက်လာတဲ့ မူးယစ်ဂိုဏ်းဝင်လက်လက်ကိုင် ၁၀ ဦးခန့်နဲ့ စက်တင်ဘာ ၇ ရက်နဲ့ ၈ ရက်နေ့တွေမှာ ရင်ဆိုင်တိုက်ပွဲဖြစ်ပွားခဲ့တာပါ။
ထိုင်းမြန်မာ နယ်စပ် မဲဆောက်မြို့ကအထွက် Huai Ya-U စစ်ဆေးရေးဂိတ်မှာ ထိုင်းဘတ်ငွေ သန်းပေါင်း ၁,၀၀၀ ကျော် တန်ဘိုးရှိတဲ့ မူးယစ်ဆေးတတန်ကျော်ကို ဖမ်းမိခဲ့အကြောင်း မဲဆောက်အာဏာပိုင်တွေက ဒီကနေ့ (စက်တင်ဘာ ၉ ရက်နေ့) မှာ သတင်းထုတ်ပြန်ခဲ့ပါတယ်။
"ထိုင်းအစိုးရအနေနဲ့ ကလေးအခွင့်ရေးဆိုင်ရာစာချုပ်တွေလည်း လက်မှတ်ထိုးထားတယ်၊ .... ဘယ်ကလေးပဲဖြစ်ဖြစ် တရားဝင်သည်ဖြစ်စေ တရားမဝင်သည်ဖြစ်စေ ထိုင်းကလေးနည်းတူ အခွင့်အရေးတန်းတူ ပညာသင်ခွင့်ရှိတယ်။ အသက် ၁၅ နှစ်အထိ ပညာသင်ခွင့်ရှိရမယ်လို့ သူတို့ကရေးထားတယ်။”(ဦးထူးချစ်-ပညာရေးနဲ့ဖွံ့ဖြိုးတိုးတက်ရေးဖောင်ဒေးရှင်း)
ထိုင်းနိုင်ငံရဲ့ အကျဉ်းထောင်အသီးသီးမှာ ပြစ်ဒဏ်ကျခံပြီး လွတ်ရက်စေ့တဲ့ မြန်မာ ၁၃၀ ဦးကို ထိုင်းအာဏာပိုင် တွေက စက်တင်ဘာလ ၇ ရက်နေ့က နေရပ်ပြန်ပို့ ခဲ့ပြီး အဲဒီလူတွေကို ခလရ ၂၆၂ မှာထိန််းသိမ်းပြီး ငွေနဲ့လာမရွေးသူတွေကို စစ်မှုထမ်းခိုင်းနေကြောင်း ဒေသခံတွေက ပြောကြပါတယ်။
ထိုင်းနိုင်ငံ စူရတ်ဌာနီ ခရိုင်တွင်းမှာ ရွှေ့ပြောင်း မြန်မာကလေးငယ်တွေအတွက် ဖွင့်လှစ်ထားတဲ့ မေတ္တာရိပ်မြန်မာစာသင်ကျောင်းလို့ခေါ်တဲ့ မြန်မာဘာသာ စကားသင်ကြားရေး စင်တာကို စူရတ် ခရိုင်တာဝန်ရှိသူတွေက စက်တင်ဘာလ ၄ ရက်နေ့က ပိတ်သိမ်းလိုက်ပါတယ်။
ရှမ်းပြည်တောင်ပိုင်းဖယ်ခုံမြို့နယ်ထဲက စစ်ဘေးရှောင်စခန်းတခုကို စစ်ကောင်စီက စက်တင်ဘာလ ၅ ရက်နေ့ည ၉ နာရီကျော်လောက်က လေကြောင်းကနေ ဗုံးကြဲတိုက်ခိုက်တာကြောင့် ကလေး ၅ ဦးအပါအဝင် လူ ၈ ဦးသေဆုံးသွားခဲ့ပြီး ထိခိုက်ဒဏ်ရာပြင်းထန်သူတွေအများအပြားရှိတယ်လို့သိရပါတယ်။
ထိုင်းမြန်မာနယ်စပ်မှာ မြန်မာနိုင်ငံ တာချီလိတ်ကပို့လာတဲ့ ကာလတန်ဖိုးဘတ်ငွေ သန်း ၁,၀၀၀ ကျော် တန်ဖိုးရှိတဲ့စိတ်ကြွဆေး ပြား (၆) သန်းကို ချင်းရိုင်ရဲတပ်ဖွဲ့က စက်တင်ဘာလ ၃ ရက်နေ့က ဖမ်းဆီးနိုင်ခဲ့ကြောင်း ချင်းရိုင်ရဲတပ်ဖွဲ့က စက်တင်ဘာလ ၄ ရက်မှာ သတင်း ထုတ်ပြန်ခဲ့ပါတယ်။
“အသက် ၁၈ နှစ်ကနေ ၃၅ နှစ်အတွင်း ယောက်ကျားလေးတွေ အခြားမြို့နယ်ကသူတွေဆိုရင် ကော့သောင်းကနေ ရနောင်းဘက်ကို ပေးမကူးတော့ဘူး။ အခုကတော့ ဒီနေ့ကနေစပြီး ဥပဒေထုတ်တာပေါ့နော်။ မြ၀တီတို့ဘက်ကတော့ သတင်းမထုတ်သေးဘူး။ ဘယ်နေ့ ထုတ်မလဲမသိဘူး။ အခုတော့ ကော့သောင်းကနေထွက်တာ စပိတ်တာပေါ့နော်။ မြ၀တီဘက်ကတော့ ဘယ်နေ့ပိတ်မလဲမသိဘူး။”
“ဘတ်နဲ့ဆို ၂ သောင်း မြန်မာငွေနဲ့ဆိုရင်တော့ သိန်း ၂၀ ကျော်တာပေါ့နော်။ ခလရ ၂၆၂ ကို ရောက်တဲ့ အခါမှာ အချုပ်ကျနေတဲ့သူတွေကို ရနောင်းဘက် ထိုင်းဘက်နေတဲ့မိသားစုတွေရှိရင် သူတို့က ဘတ် ၂ သောင်းနဲ့ လာရွေးထုတ်ခိုင်းတယ်။ မြန်မာဘက်က မိသားစုတွေဆိုရင်တော့ သိန်း ၂၀ နဲ့ လာရွေးခိုင်း တယ်။”
“အင်အား အများအပြားနဲ့ ၂၄ ရက်နေ့ကတည်းက ကင်းလှည့်နေတာ ခမောက်ငယ်ကျေးရွာက မာရမ်းဒေသမှာရှိ တယ်။ အဲဒီမှာ နယ်မြေကင်းလှည့်တာတွေ လုပ်နေတယ်၊ လုံခြုံရေး စစ်ဆေးတာတွေ လုပ်နေတယ် ၂၄ ရက်နေ့ကတည်းက အင်အားအများအပြားနဲ့ စစ်ဆေးတာတွေ လုပ်နေ"
ထိုင်း-မြန်မာနယ်စပ် ချင်းမိုင်ခရိုင် ချင်းဒေါင်းမြို့နယ်ထဲမှာ မြန်မာဘက်က ဝင်လာတဲ့စိတ်ကြွဆေးပြား အလုံးရေ ၁၁ သန်းကို ထိုင်း နယ်ခြား စောင့်တပ်နဲ့ ထိုင်းတော်ဝင်ရဲတပ်ဖွဲ့က ဖမ်းဆီးခဲ့ကြောင်း ဩဂုတ်လ ၂၉ ရက်နေ့ သတင်းစာရှင်းလင်းပွဲမှာ ထိုင်းမြောက်ပိုင်းအမှတ် (၃) ဒေသ ရဲတပ်ဖွဲ့ကပြောခဲ့ပါတယ်။
ထိုင်းနိုင်ငံ Nakhon Ratchasima ခရိုင်၊ ပါချောင်မြို့နယ်ထဲက မြေအောက်ရထားလမ်း ဆောက်လုပ်ရေးလုပ်ငန်း မြေပြို့မှုမှာ ပိတ်မိနေတဲ့ ဆောက်လုပ်ရေး၀န်ထမ်း သုံးဦးထဲက မြန်မာနိုင်ငံသားတဦးကတော့ အောက်စီဂျင်ပြတ်ပြီး အသက်သေဆုံးသွားကြောင်း Nakhon Ratchasima မြို့ပိုင်က အတည်ပြုပြောကြားပါတယ်။
နောက်ထပ်ကြည့်ရှုရန်
