Methamphetamine စိတ်ကြွဆေးထုတ်လုပ်ရာမှာသုံးတဲ့ ဓာတုပစ္စည်းတွေ မြန်မာနိုင်ငံဖက် တင်ပို့မှုတွေ ထိန်းချုပ်ဖို့ ထိုင်းအာဏာပိုင်တွေ ပြင်ဆင်နေပါတယ်။ အပြည့်အစုံကိုတော့ ထိုင်းအခြေစိုက် ဗွီအိုအေ မြန်မာပိုင်း သတင်းထောက် မအေးအေးမာ ပြောပြပေးမှာဖြစ်ပါတယ်။
ကရင်ပြည်နယ်၊ မြဝတီ-ကော့ကရိတ် အာရှလမ်းသစ်မှာ ခရီးသည်တင်ကားတစီးနဲ့ ကုန်စိမ်းကားတစီး တိုက်မိပြီး၊ ကားတိမ်းမှောက်တာကြောင့် လူ (၇) ဦး သေဆုံးကာ ၁၄ ဦး ပြင်းထန်တဲ့ ဒဏ်ရာတွေရလို့ မြဝတီဆေးရုံကြီးကိုပို့ပြီး ကုသမှု့ခံနေရပါတယ်။
ကရင်ပြည်နယ်ကော့ကရိတ်မြိုနယ်ထဲက ကျိုက်ဒုံရဲစခန်းကို KNLA ပူးပေါင်းတပ်တွေက အောက်တိုဘာလ၂၈ရက်နေ့က ဝင်ရောက်တိုက်ခိုက်ခဲ့ပါတယ်။ ဒီရက်ပိုင်းအတွင်းစစ်ကောင်စီတပ်တွေနဲ့ကေအန်ယူ ပူးပေါင်းတပ်ဖွဲ့တွေကြားတိုက်ပွဲတွေ ဆက်တိုက်ဖြစ်ပွားနေပါတယ်
ကရင်ငြိမ်းချမ်းရေးကောင်စီ (KNU/KNLA-PC) အမှတ် (၇၇၇)တပ်ရင်းမှူး စောဝင်းကျော် ရဲ့နေအိမ်ကို အမည်မသိတဲ့ လက်နက်ကိုင်တွေက အောက်တိုဘာလ ၂၇ ရက်နေ့ညက သူ့ရဲ့ မိသားစုဝင်တွေကို ပစ်ခတ်ပြီး အိမ်ကိုလည်း မီးရှို့ဖျက်ဆီးသွားခဲ့ပါတယ် ။ ဒီသတင်းကို ဗွီအိုအေ သတင်းထောက် မအေးအေးမာ သတင်းပေးပို့ ထားပါတယ်။
ထိုင်းနိုင်ငံနဲ့နယ်စပ် မလေးရှားနိုင်ငံမှာ လူမှောင်ခိုသူတချို့နဲ့အတူ မြန်မာနိုင်ငံသားတွေ အပါအဝင် လူ ၅၀ နီးပါး ဖမ်းဆီးခံခဲ့ရကြောင်း မလေးရှား အာဏာပိုင်တွေ သတင်းထုတ်ပြန်ခဲ့ပါတယ်။ လူမှောင်ခိုသူတွေကို နှိမ်နင်းတဲ့စစ်ဆင်ရေးအတွင်း ဖမ်းဆီးခံရသူတွေထဲ လိင်ဖျော်ဖြေရေးလုပ်ငန်းဆီပို့မယ့် အမျိုးသမီး ၁၇ ဦး ပါဝင်တယ်
ကရင်ပြည်နယ် ကြာအင်းဆိပ်ကြီး မြို့မှာ စစ်ကောင်စီတပ်ကတဖက် ကရင်အမျိုသားလွတ်မြောက်ရေးတပ်နဲ့ PDF ပူးပေါင်းတပ်တွေကြား တိုက်ပွဲဖြစ်နေပြီး အောက်တိုဘာလ၂၅ ရက်နေ့မှာ စစ်ကောင်စီရဲ့ ကွီလုံးတိုင်စခန်းကို KNLA ပူးပေါင်းတပ်တွေက စီးနင်းခဲ့တာကြောင့် လက်နက်ချ စစ်သုံ့ပန်း ၁၇ ဦးနဲ့ လက်နက် အမြောက်အများ သိမ်းဆည်းရမိပါတယ်
ထိုင်းနိုင်ငံ ကို တရားမဝင် ဝင်ရောက်လာကြတဲ့ မြန်မာနိုင်ငံသား ၄၅ယောက်ကို အောက်တိုဘာလ၂၃ ရက်နေ့ က ထိုင်းအာဏာပိုင်တွေ ဖမ်းမိခဲ့ပြီး ၃ ရက်အတွင်း ကမ်ချနဘူရီ နဲ့ ချင်းမိုင်နယ်စပ်ကနေ ဝင်လာကြတဲ့ မြန်မာ ၁၀၀ ကျော်ကို ဖမ်းမိခဲ့ပါတယ်။ ဒီသတင်းကို ဗွီအိုအေ သတင်းထောက် မအေးအေးမာ က သတင်းပေးပို့ ထားပါတယ် ။
“ကော့နွဲ့ရွာသစ်ဘက်မှာ တိုက်ပွဲဖြစ်တယ်။ တပ်ရင်း (၁၇)၊ တပ်ရင်း(၂၇)၊ PDF ပူးပေါင်းတပ်တွေနဲ့ စကစတို့တိုက်ပွဲဖြစ်တယ်။ တိုက်ပွဲဖြစ်တော့ မြဝတီအတက်ကားလမ်းတွေ အကုန်ပိတ်ကုန်တယ်။ BGF တွေကလည်း လမ်းလုံခြုံရေးယူထားတော့ သူတို့လမ်းတွေ အကုန်ပိတ်ထားတယ်။”(ကိုစောမွန်-ပြည်သူ့ကာကွယ်ရေးတပ်ဖွဲ့)
ကရင်ပြည်နယ် ကော့ကရိတ်မြို့နယ်ထဲမှာ စစ်ကောင်စီတပ်တွေနဲ့ KNLA-PDF ပူးပေါင်းတပ်ဖွဲ့တွေအကြား တိုက်ပွဲဖြစ်ပွားခဲ့ပြီးတဲ့နောက် အောက်တိုဘာလ ၂၃ ရက်၊ ဒီကနေ့မနက်အစောကြီးမှာ စစ်ကောင်စီဘက်က လေကြောင်းကနေ ဗုံးကြဲတိုက်ခိုက်မှုတွေ ရှိခဲ့ပါတယ်။
ကရင်ပြည်နယ်၊ မြဝတီမြို့အနီးရှိ ရွှေကုက္ကိုအရပ်က ကာစီနိုလောင်းကစားရုံတွေမှာ အလုပ်လုပ်ကိုင်ပြီးထိုင်းနိုင်ငံ ဘက်ကိုခိုးဝင်လာတဲ့ ထိုင်း၊ တရုတ်၊ ဗီယက်နမ်နိုင်ငံသားတွေကို ထိုင်းလုံခြုံရေးတပ်ဖွဲ့တွေက အောက်တို ဘာလ၂၁ ရက်နေ့မှာ ထိုင်းနိုင်ငံ မယ်လမမြို့ အနီးဖမ်းဆီးခဲ့ပါတယ်။
“မြဝတီကိုဝင်စီးမှာစိုးလို့ မြဝတီလုံခြုံရေးကတော့အတော်ကိုတင်းကြပ်နေတယ်။ ကော့ကရိတ်တိုက်ပွဲကြောင့် မြဝတီဘက်ကိုအတော်တင်းကြပ်နေတယ်။ ဒီဘက်ကို ဝင်လာမှာစိုးတာကြောင့်ပါ ဒီဘက်ကိုတက်လာမှာစိုးလို့။” (ဒေသခံ)
“မနေ့ညက အယောက် ၃၀ ဖမ်းမိတယ်။ ရာ့တ်ဘူရီမှာမိတာပေါ့နော်။ ကြံခင်းထဲမှာ ပွဲစားလာခေါ်တာကိုစောင့်နေတုန်းမှာ နယ်မြေခံ ငါးဖမ်းဖို့လာတဲ့ ထိုင်းနိုင်ငံသားတွေက သူတို့ကို တွေ့သွားတာပါ။ တွေ့တော့ အကြောင်းကြားတော့ သူတို့ကို မိသွားပါတယ်။ မလေးရှားကိုသွားမယ့် အုပ်စုတွေပါပဲ။”(ဦးမင်းဦး-အလုပ်သမားရေးတာဝန်ခံ)
ကရင်ပြည်နယ်၊ မြဝတီမြို့ မဲဆောက်-မြဝတီချစ်ကြည်ရေးတံတားနဲ့ အထွေထွေအုပ်ချုပ်ရေးရုံးတို့အနီး ဒီကေဘီအေခေါင်းဆောင် ဗိုလ်မုတ်သုန်ရဲ့စတိုးဆိုင်ရှေ့မှာ ဓာတ်ငွေ့ရည်အိုးတွေနဲ့ ချိန်ကိုက်မိုင်းထောင်ထားတဲ့ ပိုင်ရှင်မဲ့ကားတစီးကို ဒီကနေ့ အာဏာပိုင်တွေက ရှင်းလင်းဖယ်ရှားခဲ့ပါတယ်။
ကရင်ပြည်နယ် ကြာအင်းဆိပ်ကြီးမြို့နယ်မှာ ဒီရက်ပိုင်း စစ်ကောင်စီတပ်နဲ့ KNU ပူးပေါင်းတပ်ဖွဲ့တွေ အပြင်းအထန် တိုက်ပွဲဖြစ်ခဲ့ကြောင်း ပူးပေါင်းတပ်ဖွဲ့ တာဝန်ရှိသူ တယောက်က ပြောပါတယ်။ စစ်ကောင်စီ တပ်ဖွဲ့ဝင် တချို့ကို ဖမ်းဆီးရမိကြောင်းလည်း ပြောဆိုပါတယ်။ မအေးအေးမာက သတင်းပေးပု့ိ့ထားပါတယ်။
ထိုင်းနိုင်ငံမှာ မူးယစ်ဆေးမှုနဲ့ အလုပ်ဖြုတ်ခံခဲ့ရတဲ့ ရဲအရာရှိဟောင်းလက်ချက်နဲ့ ကလေးအများစု အပါအဝင် လူ ၃၇ ယောက် သေဆုံးခဲ့ပြီးနောက် မူးယစ်ဆေးဝါး နှိမ်နင်းရေးကို ထိုင်းအစိုးရက တိုးမြှင့်လုပ်ဆောင်ခဲ့ပါတယ်။ ဒီသတင်းကို ဗွီအိုအေ သတင်းထောက် မအေးအေးမာ က သတင်းပေးပို့ထားပါတယ် ။
ထိုင်း၊ မြန်မာနယ်စပ် မဲဆောက် ၊ မြဝတီ ချစ်ကြည်ရေး တံတားထိပ်မှာ အောက်တိုဘာလ ၁၅ရက်ညက ပြင်းထန်တဲ့ ဗုံးပေါက်ကွဲမူ ဖြစ်ပွားခဲ့ပါတယ် ။ ပေါက်ကွဲမူကြောင့် ကား၂စီးထက်မနည်း မီးလာင်ပျက်စီးသွားပါတယ်။ ဒီသတင်းကို ဗွီအိုအေ သတင်းထောက် မအေးအေးမာ က သတင်းပေးပို့ ထားပါတယ်။
ထိုင်းနိုင်ငံ အချုပ်တွေကနေ လွက်ရက်စေ့သွားတဲ့ မြန်မာရွှေပြောင်း အလုပ်သမား ၃၉၀ လောက်ကို ထိုင်းအာဏာပိုင်တွေက ပြည်နှင်ဒဏ်ပေးပြီး၊ အောက်တိုဘာလ (၁၂) ရက်နေ့မှာ မဲဆောက်မြို့ ကနေ မြဝတီမြို့ဘက်ကို ပြန်လည် လွှဲပြောင်းပေးခဲ့ပါတယ်။ ဒီသတင်းကို ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။
ထိုင်းနိုင်ငံမှာ မူးယစ်ဆေးမှုနဲ့ အလုပ်ဖြုတ်ခံရတဲ့ ရဲအရာရှိဟောင်းတဦးလက်ချက်နဲ့ ကလေးအများစုအပါအဝင် လူ ၃၇ ယောက် သေဆုံးခဲ့ပြီးနောက် ထိုင်းအစိုးရက မူးယစ်ဆေးဝါး နှိမ်နင်းမှုတိုးမြှင့်လာပါတယ်။
ထိုင်း မြန်မာ နယ်စပ် ရနောင်းပြည်နယ် မဲဆိုင်၊ တာခ့် ပြည်နယ်တွေကနေ ၃ ရက်အတွင်း မြန်မာ ၁၀၀ ကျော် ဖမ်းမိခဲ့ပြီး အများစုကတော့ မလေးရှားကိုသွားဖို့ အတွက် လူကုန်ကူးသူတွေနဲ့ လာရင်းနဲ့ လမ်းမှာ ဖမ်းမိကြသူတွေ ဖြစ်ပါတယ်။
ထိုင်းနိုင်ငံနဲ့ နယ်စပ် မြန်မာနိုင်ငံ ၊ ကရင်ပြည်နယ်၊ မြဝတီမြို့က စတိုးဆိုင်တဆိုင်မှာ အင်္ဂါနေ့ ညနေပိုင်းက တိုက်ခိုက်ခံရတာကြောင့် ထိခိုက်မှုတွေ ရှိခဲ့ကြောင်း မြို့ခံတယောက်က ပြောပါတယ်။
နောက်ထပ်ကြည့်ရှုရန်
