ဂါဇာဒေသက ၁၀ လကြာ စစ်ပွဲ အဆုံးသတ်နိုင်မယ့် အပစ်အခတ်ရပ်စဲရေး သဘောတူညီချက် ရနိုင်အောင် သံတမန်ရေးအရ တွန်းအားပေးဖို့ အမေရိကန် နိုင်ငံခြားရေးဝန်ကြီး Antony Blinken ဒီကနေ့ အစ္စရေးကို သွားရောက်နေပါတယ်။
အိန္ဒိယနိုင်ငံမှာ ဆရာဝန်တွေ သပိတ်မှောက်နေကြတဲ့အတွက် ကျန်းမာရေးဝန်ဆောင်မှုလုပ်ငန်းတွေ ရပ်ဆိုင်းနေပါတယ်။ အလုပ်သင်ဆရာဝန် အမျိုးသမီးတဦး မုဒိမ်းကျင့် သတ်ဖြတ်ခံခဲ့ရမှုကို ဆန့်ကျင်ကြောင်း ပြသတဲ့အနေနဲ့ နိုင်ငံတဝန်းက သပိတ်မှောက်ဆန္ဒပြနေကြတာပါ။
အင်ဒိုနီးရှားနိုင်ငံမှာ ဒီနေ့ကျရောက်တဲ့ ၇၉ နှစ်ပြည့် လွတ်လပ်ရေးနေ့ အခမ်းအနားကို မြို့တော်သစ်လုပ်မယ့် နုဆန်တရာ (Nusantara) မြို့မှာ ကျင်းပခဲ့ပါတယ်။ ဒီနေ့အခမ်းအနားမှာ သမ္မတ Joko Widodo မိန့်ခွန်းပြောဆို
အမေရိကန်ပြည်ထောင်စုကို မြန်မာနိုင်ငံက တင်သွင်းနေတဲ့ အစားအသောက်တွေထဲက တရားမဝင် ဝင်ရောက်လာတဲ့ အသားစည်သွပ်ဗူးနဲ့ မုန့်ဟင်းခါးအနှစ်တချို့ကို မစားသင့်ဘူးလို့ အမေရိကန်အစိုးရက သတိပေးလိုက်ပါတယ်။
ပဲရစ် အိုလံပစ်ပြိုင်ပွဲနောက်ဆုံးနေ့ပွဲစဉ်တွေကို ပြင်သစ်နိုင်ငံမှာ ဒီနေ့ဆက်လက်ယှဉ်ပြိုင်ကြတာမှာ အမျိုးသမီးဘော်လီဘောပွဲမှာတော့ အီတလီအမျိုးသမီးအသင်း ဗိုလ်စွဲပြီး အိုလံပစ် ချန်ပီယံဖြစ်သွားပါတယ်။
ရခိုင်ပြည်နယ်က တိုက်ပွဲတွေကြား ထွက်ပြေးနေတဲ့ ရိုဟင်ဂျာတွေ အဝေးထိန်းဒရုန်းနဲ့ တိုက်ခိုက်မှုကြောင့် ကလေးနဲ့အမျိုးသမီးတွေ အပါအဝင် ဒါဇင်နဲ့ချီ သေကျေထိခိုက်ခဲ့ရကြောင်း Reuters သတင်းက ဖော်ပြလိုက်ပါတယ်။
သက်ဆိုင်ရာ အဖွဲ့အစည်းတွေ အပစ်အခတ် ရပ်စဲကြဖို့ တရုတ်နိုင်ငံက ကိုယ့်နည်းကိုယ့်ဟန်နဲ့ ဦးဆောင်ဖျောင်းဖျနေကြောင်း တရုတ်နိုင်ငံခြားရေးဝန်ကြီးဌာန Mao Ning က ဘေဂျင်းမြို့တော် သတင်းစာ ရှင်းလင်းပွဲမှာ ပြောခဲ့တာကို မြန်မာနိုင်ငံအခြေစိုက် တရုတ်သံရုံးရဲ့ လူမှုကွန်ရက်မှာ ဖော်ပြခဲ့တာပါ။
ရုရှားနိုင်ငံ Kursk နယ်စပ်ဒေသကို ယူကရိန်းတပ်ဖွဲ့တွေ ရုတ်တရက် ဝင်ရောက်တိုက်ခိုက်ခဲ့ပြီး ရက်အနည်းငယ်အကြာမှာပဲ ယူကရိန်းသမ္မတ Volodymyr Zelenskyy က သွယ်ဝိုက်ပြီး ဝန်ခံပြောဆိုလိုက်ပါတယ်။
လာမယ့် နိုဝင်ဘာ အမေရိကန် သမ္မတရွေးကောက်ပွဲမှာ ရီပတ်ဘလစ်ကန်ပါတီ သမ္မတလောင်းအဖြစ် ယှဉ်ပြိုင်မယ့် အမေရိကန် သမ္မတဟောင်း Donald Trump ရဲ့ မဲဆွယ်စည်းရုံးရေးအဖွဲ့ကို အင်တာနက် ဟက်ကာတွေ ဖောက်ထွင်းတိုက်ခိုက်တာခံခဲ့ရကြောင်း တာဝန်ရှိသူတွေက ပြောလိုက်ပါတယ်။
ဂါဇာဒေသတောင်ပိုင်းမှာ နောက်ထပ်ဒေသခံတွေ ဘေးလွတ်ရာ ပြောင်းရွှေ့ကြဖို့ ဒီကနေ့ အစောပိုင်းမှာပဲ အစ္စရေး စစ်တပ်က အမိန့်ပေးလိုက်ပါတယ်။ ဂါဇာဒေသမြောက်ပိုင်းမှာ ယာယီခိုလှုံရာစခန်းအဖြစ် သုံးနေတဲ့ စာသင်ကျောင်းတကျောင်းကို လေကြောင်းက တိုက်ခိုက်မှုကြောင့် အသေအပျောက်တွေ ရှိခဲ့ပြီးနောက် အခုလို အမိန့်ထုတ်လိုက်တာပါ။
ပဲရစ် အိုလံပစ်ပြိုင်ပွဲတွေကို ပြင်သစ်နိုင်ငံမှာ ဒီနေ့ဆက်လက်ကျင်းပနေတာမှာ အမျိုးသား ဘော်လီဘောပြိုင်ပွဲမှာတော့ အိမ်ရှင်ပြင်သစ်က ပိုလန်ကို ၂၅-၁၉၊ ၂၅-၂၀၊ ၂၅-၂၃ နဲ့ ၃ ပွဲပြတ်အနိုင်ရပြီး ပထမရွှေတံဆိပ် ရသွားခဲ့ပြီး၊ မနေ့က တတိယနေရာလုပွဲမှာတော့ အမေရိကန်က အီတလီကို ၃ ပွဲပြတ်နဲ့နိုင်ပြီး ကြေးတံဆိပ် ရခဲ့ပါတယ်
ယူကရိန်းဘက်က ရုရှားနိုင်ငံထဲကို ထိုးစစ်ဆင်တိုက်ခိုက်နေတာတွေကို ဟန့်တားဖို့အတွက်၊ ရုရှားက နယ်စပ်ဒေသ နေရာ ၃ ခုမှာ အကြမ်းဖက်မှု တန်ပြန်စစ်ဆင်ရေးတွေကို ဒီနေ့လုပ်ဆောင်လိုက်တယ်လို့ ရုရှားအစိုးရက ပြောပါတယ်။
ဂါဇာကမ်းမြောင်ဒေသ Gaza City မြို့မှာ ပါလက်စတိုင်း စစ်ပြေးဒုက္ခသည်တွေ ခိုလှုံနေတဲ့ ကျောင်းအပေါ် အစ္စရေးက လေကြောင်းက တိုက်ခိုက်ခဲ့တာကြောင့် ၉၀ ကျော် သေဆုံးသွားတယ်လို့ ဂါဇာဒေသ အရပ်ဘက်ကာကွယ်ရေး အေဂျင်စီက ပြောပါတယ်။
ဝန်ကြီးချုပ်ဟောင်း Sheikh Hasina ခန့်အပ်ခဲ့တဲ့ တရားသူကြီးချုပ် Obaidul Hassan အနေနဲ့ တာဝန်ကနေ နှုတ်ထွက်ပေးဖို့ ဒါကာမြို့တော် တရားရုံးချုပ်ရှေ့ကို ကျောင်းသား ဆန္ဒပြသူတွေ ဒီနေ့ ချီတက်ဆန္ဒပြခဲ့ကြပြီးနောက် တရားသူကြီးချုပ်က အခုလို သဘောတူခဲ့တယ်လို့ ဘင်္ဂလားဒေရှ့်သတင်းတွေမှာ ဖော်ပြပါတယ်။
ရခိုင်ပြည်နယ်မှာ အာရက္ခတပ်တော် AA ထိန်းချုပ်ထားတဲ့ မြို့တွေထဲက မြောက်ဦးမြို့ပေါ်ကို စစ်တပ်က ဗုံးကြဲခဲ့လို့ ကလေးငယ်တယောက် အပါအဝင် ၆ ယောက် သေဆုံးခဲ့ပါတယ်။
လက်ဘနွန်နိုင်ငံမှာ စစ်ဖြစ်ဖို့အခြေအနေတွေ ပိုတိုးလာနေတာကြောင့်၊ ပြည်ပနိုင်ငံသားတွေအနေနဲ့ လက်ဘနွန်နိုင်ငံကနေ တတ်နိုင်သမျှ အမြန်ဆုံးထွက်ခွာကြဖို့ ပြင်သစ်၊ ကနေဒါနဲ့ ဂျော်ဒန်နိုင်ငံတွေက အရေးပေါ် တိုက်တွန်းလိုက်ပါတယ်။
ဟာမတ်စ် နိုင်ငံရေးခေါင်းဆောင် Ismail Haniyeh အီရန်နိုင်ငံ တီဟီရန်မြို့တော်မှာ သတ်ဖြတ်ခံခဲ့ရပြီးနောက်ပိုင်း ဒေသတွင်းက အခြေအနေတွေနဲ့ ပတ်သက်လို့ အီရန်နိုင်ငံခြားရေးဝန်ကြီးနဲ့ ဆွေးနွေးဖို့ ဂျော်ဒန်နိုင်ငံခြားရေးဝန်ကြီး Ayman Safadi ဒီကနေ့ လာရောက်မည်အကြောင်း အီရန်သတင်းမီဒီယာတွေမှာ ဖော်ပြကြပါတယ်။
ဘင်္ဂလားဒေ့ရှ်နိုင်ငံမှာ ဆန္ဒပြကျောင်းသားတွေနဲ့ ရဲတပ်ဖွဲ့ဝင်တွေ၊ အာဏာရပါတီကို ထောက်ခံသူတွေ အဓိကရုဏ်း ဖြစ်ပွားရာက လူ ၂၀ ကျော် သေဆုံးပြီး၊ ရာနဲ့ချီ ထိခိုက်ဒဏ်ရာတွေ ရခဲ့ကြောင်း တာဝန်ရှိသူတွေနဲ့ သတင်းမီဒီယာတွေက ဖော်ပြကြပါတယ်။
လာမယ့် အမေရိကန်သမ္မတ ရွေးကောက်ပွဲမှာ ထောက်ခံမဲရဖို့ အကြိတ်အနယ် ယှဉ်ပြိုင်ရမယ့် ပြည်နယ်တွေမှာ ဒုသမ္မတ Kamala Harris ရဲ့ စည်းရုံးရေးအဖွဲ့က မဲဆွယ်ပွဲလုပ်ငန်းတွေ အရှိန်မြှင့်နေပါတယ်။
အစ္စရေးရဲ့ တိုက်ခိုက်မှုကြောင့် ဂါဇာဒေသက ဆေးရုံဝင်းအတွင်း ယာယီတဲမှာ ခိုလှုံနေသူ ၄ ဦး အပါအဝင် လူ ၁၂ ယောက် သေဆုံးခဲ့ပါတယ်။ တချိန်တည်းမှာပဲ အစ္စရေးနိုင်ငံ Tel Aviv မြို့စွန်မှာ ပါလက်စတိုင်းတဦးက ဓားနဲ့ထိုးရာက ၂ ဦး သေဆုံးခဲ့တာပါ။
နောက်ထပ်ကြည့်ရှုရန်
