အနောက်ပိုင်းတိုင်း စစ်ဌာနချုပ် (နပခ) ကြီးရှိတဲ့ ဒီအမ်းမြို့မှာ ဒီစစ်ဌာနချုပ်စခန်းကလွဲလို့ တခြားစစ်စခန်းတွေနဲ့ ဌာနဆိုင်ရာအားလုံးကို သိမ်းထားပြီးပြီလို့၊ AA အာရက္ခတပ်တော် ပြောခွင့်ရ ခိုင်သုခက VOA ကို ဒီနေ့ အတည်ပြုပြောပါတယ်။
မြန်မာအရေး ကျွမ်းကျင်သူ အမေရိကန်သုတေသီ ပါမောက္ခ David Steinberg ဟာ အသက် ၉၆ နှစ်မှာ ကွယ်လွန်သွားပါတယ်။ Maryland ပြည်နယ် Bethesda မြိုက နေအိမ်မှာ ဒီဇင်ဘာလ ၅ ရက်နေ့က ကွယ်လွန်သွားတယ်ဆိုတာကို သားဖြစ်သူက Washington Post သတင်းစာကို အတည်ပြုခဲ့ပါတယ်။
ကုလသမဂ္ဂကိုယ်စားလှယ် စိစစ်ရေးကော်မတီမှာ မြန်မာနိုင်ငံဘက်က ကိုယ်စားပြုဖို့ ကိုယ်စားလှယ် ၂ ယောက် လျှောက်ထားတဲ့အတွက် ဘယ်သူ့ကို ရွေးချယ်ရမယ်ဆိုတာ စဉ်းစားဆုံးဖြတ်နိုင်ရေး ရွှေ့ဆိုင်းထားဖို့ ကော်မတီဥက္ကဋ္ဌက ဆုံးဖြတ်ချက်မူကြမ်းချခဲ့ပါတယ်။
၉ နိုင်ငံပါဝင်တဲ့ BRICS အဖွဲ့ရဲ့ ငွေကြေးဖန်တီးတာကို အိန္ဒိယက သဘောတူမှာမဟုတ်ဘူး လို့အိန္ဒိယ ပို့ကုန် အဖွဲ့အစည်းများ ဖက်ဒရေးရှင်းရဲ့ ညွှန်ကြားရေးမှူးချုပ်က ပြောပါတယ်။
မြန်မာနိုင်ငံဆိုင်ရာ အကျပ်အတည်းကို ဖြေရှင်းနိုင်မယ့်နည်းလမ်းတွေ ရှာဖွေဖို့အာဆီယံ ဝန်ကြီးတွေ ဒီလ တတိယပတ် ထိုင်းနိုင်ငံမှာ ဆုံကြမယ်လို့ အင်ဒိုနီးရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ပြောပါတယ်။
စစ်ရေးပဋိပက္ခပြင်းထန်နေတဲ့ ရခိုင်ပြည်နယ်ကို အင်အားဖြည့်တင်းဖို့သွားရောက်တဲ့ စစ်ကောင်စီ စစ်ယာဉ်တန်း ကြားဖြတ်တိုက်ခိုက်ခံရတာကြောင့် ထိခိုက်သေဆုံးမှုရှိတယ်လို့ ကာကွယ်ရေးတပ်ဖွဲ့တွေဘက်က ပြောပါတယ်။
HIV/AIDS ရောဂါ ခြိမ်းခြောက်မှုတွေ ၂၀၃၀ ခုနှစ်မှာ အဆုံးသတ်စေဖို့ ရည်မှန်းချက် အောင်မြင်ဖို့အတွက် ကမ္ဘာတဝန်းက မိတ်ဖက်အဖွဲ့အစည်းတွေအကြား တညီတည်း လှုပ်ရှားကြဖို့ အမေရိကန်နိုင်ငံခြားရေးဝန်ကြီး ဘလင်ကန်က တိုက်တွန်းပါတယ်။
ကမ္ဘာတဝှမ်း ပလပ်စတစ်ညစ်ညမ်းမှုတွေကို အဆုံးသတ်ရေး နိုင်ငံတကာသဘောတူညီချက်ရဖို့ တောင်ကိုရီးယားနိုင်ငံ ဘူဆန်မြို့မှာ ညှိုနှိုင်းဆွေးနွေးနေကြရာမှာ၊ သဘောတူညီချက်မရပဲ ပျက်သွားခဲ့ပါတယ်။
အစ္စရေးနဲ့ ဟက်ဇဘိုလာအကြား ပြီးခဲ့တဲ့သီတင်းပတ်က အပစ်ရပ်သဘောတူညီမှုရခဲ့တာကြောင့်၊ အစ္စရေးနဲ့ ဟာမတ်စ်တို့အကြား အပစ်ရပ်ဖို့ ပိုပြီး အလားအလာကောင်းလာတယ်လို့ အမေရိကန်သမ္မတအိမ်ဖြူတော် အမျိုးသားလုံခြုံရေးအကြံပေး Jake Sullivan က ပြောပါတယ်။
ဥရောပသမဂ္ဂ (EU) ရဲ့ ထိပ်တန်းသံတမန်သစ် Kaja Kallas နဲ့ ဥရောပကောင်စီအကြီးအကဲ Antonio Costa တို့ဟာ သူတို့လုပ်ငန်းတာဝန်တွေ စတင်တဲ့ ပထမဆုံးနေ့ဖြစ်တဲ့ ဒီနေ့မှာပဲ ယူကရိန်းကို ထောက်ခံကြောင်း ပြသတဲ့အနေနဲ့ ယူကရိန်းနိုင်ငံ ကိဗ်မြို့တော်ကို သွားရောက်ခဲ့ကြပါတယ်။
အကူအညီပေးရေး ယာဉ်တန်းတွေကို မကြာသေးခင်က လုယက်ခဲ့ကြတဲ့ လက်နက်ကိုင်အုပ်စုတွေရဲ့ ခြိမ်းခြောက်မှုတွေကြောင့် ဂါဇာဒေသကို နယ်စပ်ကဖြတ်ပြီး အကူအညီတွေ ပေးပို့နေတာကို ရပ်ထားမှာဖြစ်ကြောင်း ပါလက်စတိုင်း ဒုက္ခသည်ရေးရာ ကုလသမဂ္ဂ အေဂျင်စီ (UNRWA) က ဒီနေ့ပဲ ပြောလိုက်ပါတယ်။
ဆီးရီးယားနိုင်ငံမှာ အကြီးဆုံးမြို့ဖြစ်တဲ့ Aleppo ရဲ့ အချက်အခြာနေရာ အများစုကို ထောင်နဲ့ချီတဲ့ သူပုန်တွေ သိမ်းပိုက်လိုက်ပြီး လေဆိပ်ကို ထိန်းချုပ်လိုက်သလို အနီးအနားဒေသတွေကိုလည်း ရုတ်တရက် ထိုးစစ်ဆင် တိုက်ခိုက်ခဲ့ပါတယ်။
အမေရိကန်ပြည်ထောင်စု စုံစမ်းစစ်ဆေးရေးဗျုရို (FBI) ကို အမျိုးသားလုံခြုံရေး အရာရှိဟောင်းလည်းဖြစ်၊ သူ့အပေါ် သစ္စာရှိသူလည်းဖြစ်တဲ့ Kash Patel ကို ဦးဆောင်စေလိုကြောင်း ရွေးကောက်ခံသမ္မတ Donald Trump က ပြောလိုက်ပါတယ်။
ထိုင်းငါးဖမ်းစက်လှေတွေကို မြန်မာရေတပ်က ပစ်ခတ်ခဲ့မှုအတွက် ကန့်ကွက်လိုက်ကြောင်း ထိုင်းဝန်ကြီးချုပ် Paetongtarn Shinawatra က ဒီကနေ့ပဲ ပြောလိုက်ပါတယ်။
အမေရိကန်က ရွေးကောက်ခံသမ္မတ Trump ကို ကနေဒါဝန်ကြီးချုပ် Trudeau သောကြာနေ့က လာရောက်တွေ့ဆုံခဲ့ပါတယ်။ သူသမ္မတ တာဝန်စယူတာနဲ့ ကနေဒါက သွင်းကုန်တွေကို သွင်းကုန်ခွန် ၂၅ ရာခိုင်နှုန်း ကောက်မယ်လို့ Trump က ပြောထားချိန်မှာ Florida ပြည်နယ်က Mar-a-Lago စံအိမ်မှာ ကနေဒါဝန်ကြီးချုပ် လာရောက်တွေ့ဆုံခဲ့တာ ဖြစ်ပါတယ်။
ဆီးရီးယားနိုင်ငံက အကြီးဆုံး Aleppo မြို့နေရာ အများစုကို ဆီးရီးယားသူပုန်အဖွဲ့တွေ ထိန်းချုပ်ထားလိုက်ပြီလို့ စစ်ပွဲစောင့်ကြည့်ရေး War Monitor အဖွဲ့က ဒီကနေ့ စနေနေ့မှာပြောဆိုပါတယ်။
ထိုင်းနိုင်ငံတောင်ပိုင်း ရနောင်းခရိုင် ပင်လယ်ပြင်အတွင်း ငါးဖမ်းနေတဲ့ ထိုင်းငါးဖမ်းစက်လှေတွေကို မြန်မာရေတပ်က ပစ်ခတ်ခဲ့တာမှာ ငါးဖမ်းသမား ၁ ယောက် သေဆုံးခဲ့ပြီး ၃၁ ယောက် ဖမ်းဆီးခံခဲ့ရတယ်လို့ ထိုင်းရေတပ်က ဒီကနေ့ သတင်းထုတ်ပြန်ပါတယ်။
မြန်မာနိုင်ငံနယ်စပ် ဘင်္ဂလားဒေ့ရှ်နိုင်ငံ ကော့ဘဇားပြည်နယ် စိန်မာတင်ကျွန်းနားမှာ နိုဝင်ဘာလ ၂၇ ရက်နေ့က ငါးဖမ်းစက်လှေကို မြန်မာရေတပ်က ပစ်ခတ်ခဲ့တာကြောင့် ဘင်္ဂလားဒေ့ရှ် နိုင်ငံသားတယောက် ဒဏ်ရာရခဲ့တယ်လို့ ဘင်္ဂလားဒေ့ရှ်သတင်းမှာ ဖော်ပြခဲ့တာ မဟုတ်မမှန်ဘူးလို့ စစ်ကောင်စီက ငြင်းဆန်ခဲ့ပါတယ်။
မလေးရှားနိုင်ငံမြောက်ပိုင်းမှာ မိုးအဆက်မပြတ် ရွာသွန်းမှုကြောင့် ရေကြီးရေလျံမှုတွေ ဖြစ်နေတဲ့အတွက် လူ ၁၂၂ ၀၀၀ (တသိန်းနှစ် သောင်းနှစ်ထောင်) လောက် ရေဘေးလွတ်ရာကို ရွှေ့ပြောင်းခဲ့ရတယ်လို့ မလေးရှား သဘာဝဘေး အန္တရာယ် တုန့်ပြန်ဆောင်ရွက်ရေး တာဝန်ရှိသူတွေက ဒီနေ့ စနေနေ့မှာ ပြောဆိုပါတယ်။
ရိုဟင်ဂျာ ဒုက္ခသည် စခန်းဟာ ရိုဟင်ဂျာစစ်သားတွေကို မွေးထုတ်ပေးရာ နေရာဖြစ်နေတယ်လို့ ရိုက်တာ သတင်းဌာနက နိုဝင်ဘာ ၂၅ ရက်နေ့ က ရေးပါတယ်။
နောက်ထပ်ကြည့်ရှုရန်
