နေ့စဉ် တီဗွီသတင်းလွှာ (ဇွန် ၁၄၊ ၂၀၂၃)

နိုင်ငံတော် လျှို့ဝှက်မှတ်တမ်းတွေ အပ်နှံဖို့ ပျက်ကွက်တာကြောင့် စွဲချက် ၃၇ ခုနဲ့ တရားစွဲဆိုခံရတဲ့ အမေရိကန် သမ္မတဟောင်း Donald Trump ကမှတ်တမ်းတွေကို သိမ်းဆည်းခွင့် သူ့မှာ အပြည့်အဝ ရှိတဲ့အကြောင်း ခုခံပြောဆိုပါတယ်။ မိုခါ မုန်တိုင်း ဒဏ်ကြောင့် ထိခိုက်ခဲ့ရတဲ့ ရိုဟင်ဂျာ အသိုင်းအဝိုင်းအပေါ် ခွဲခြားဆက်ဆံမှုတွေ အဆုံးသတ်ပြီး ကန့်သတ်ချက်တွေ ဖြေလျော့ပေးဖို့နဲ့ အကူအညီရပိုင်ခွင့်တွေ အာမခံဖို့ AI နိုင်ငံတကာ လူ့အခွင့်အရေးအဖွဲ့ကြီးက မြန်မာစစ်ကောင်စီကို တိုက်တွန်းပါတယ်။ ကမ္ဘာတဝှမ်း ပဋိပက္ခတွေကြောင့် အိုးအိမ်စွန့်ခွာ ထွက်ပြေးတဲ့ ဒုက္ခသည် သန်း ၁၁၀ လောက်ရှိနေပြီလို့ ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံး UNHCR က ပြော...စတဲ့သတင်းတွေနဲ့အတူ သတင်းဆောင်းပါးတွေကိုပါ တင်ဆက်ပေးပါမယ်။